शक्तिकांत दास यांच्या नियुक्तीवरून नेटकऱ्यांनी उडवली ‘मोदीनॉमिक्स’ची खिल्ली

एक माजी सनदी अधिकारी असणाऱ्या दास यांची थेट आरबीआयच्या गव्हर्नरपदी नियुक्ती झाल्याबद्दल अनेकांनी आश्चर्य व्यक्त केले आहे. दास यांच्या संदर्भातील अनेक गोष्टी नेटकऱ्यांनी पोस्ट करत त्यांची नियुक्ती योग्य नसल्याचे मत मांडले आहे. पाहूयात असेच काही व्हायरल झालेले ट्विटस

तर हे आहेत आपले नवीन गव्हर्नर

मला पडलेले भयंकर स्वप्नही यापेक्षा जास्त तर्कशुद्ध असते

दोन वर्षापूर्वी दास यांनी केलेले ट्विटस

काही जणांनी आरबीआयच्या गव्हर्नरपदी विराजमान होण्यासाठी लागणाऱ्या शैक्षणिक पात्रतेचीही चर्चा केली. या पुर्वी गव्हर्नर राहिलेल्या रघुराम राजन आणि उर्जित पटेल यांच्याप्रमाणे दास यांचे शिक्षण अर्थशास्त्र विषयात झालेले नाही किंवा त्यांनी उद्योग अथवा अर्थशास्त्राशी संबंधित विषयात पदवीही मिळवलेली नाही असेही नेटकऱ्यांनी म्हटले आहे.

दास माझ्या कॉलेजमध्ये इतिहास शिकलेत

मागील काही आरबीआय गव्हर्नसची शैक्षणिक पात्रता

एमए इन हिस्ट्री हाच योग्य उमेदवार

दास यांच्या शिक्षणाबद्दल नेटवर इतकी चर्चा झाली की गुगल सर्चमध्येही अनेकांनी दास यांचे शिक्षण किती झाले आहे हे सर्च केले. गुगल सर्चच्या ग्राफमध्ये नेटकऱ्यांची दास यांचे शिक्षण जाणून घेण्याबद्दलची उत्सुकता दिसून येते.

मात्र नेटकरी ज्याप्रमाणे दास यांनी घेतलेली सर्वोच्च पदवी ही ‘मास्टर्स इन हिस्ट्री’ असून ती गव्हर्नर होण्यासाठी पुरेशी नाही हा केलेला दावा चुकीचा आहे. दास यांच्याबद्दलच्या विकिपीडीया पेजेवरील माहितीनुसार दास यांनी बंगळुरु येथील आयआयएममधून फायनान्स मॅनेजमेन्टचा कोर्स केल्याचे नमूद करण्यात आले आहे. तसेच त्यांनी एनआयबीएममधूनही डेव्हलपमेन्ट बँकिंग अॅण्ड इन्सटीट्यूशनल क्रेडीट या विषयातही कोर्स केला आहे. सार्वजनिक क्षेत्रातील कंपन्यांमध्ये त्यांनी याबद्दलचे प्रशिक्षणही घेतल्याचे बोलले जात आहे. आरबीआयच्या गव्हर्नरपदी नियुक्त होण्यासाठी अर्थशास्त्राशी संबंधित विषयामध्ये पदवी असणे बंधनकारक नाही. त्यामुळेच ही नियुक्ती नियमांमध्ये बसणारीच आहे.