दारु वाईटच…! नशेत दोन मित्र थेट लिफ्टच्या दरवाजातून खाली कोसळल्याचा धक्कादायक Video होतोय व्हायरल

सध्या अशाच दोन दारुड्यांचा एक धक्कादायक आणि अंगावर शहारा आणणारा व्हिडीओ व्हायरल होत आहे. शिवाय हा व्हायरल होत असलेला व्हिडीओ पाहिल्यानंतर अनेक दारु पिणारे दारू प्यायच्या आधी अनेकदा विचार करतील यात शंका नाही. या व्हिडीओत दोन व्यक्ती दारूच्या नशेत लिफ्टच्या दरवाजा तोडून आत पडल्याचं दिसत आहेत, या घटनेचं दृश्य अत्यंत भयंकर आणि अंगावर शहारा आणणारं आहे.

व्हिडिओमध्ये एका मजल्यावरील लिफ्टच्या ठिकाणी दोन मित्र दारुच्या नशेत आल्याचे दिसत आहेत, हे दोघेजण लिफ्टच्या दिशेने जातात आणि ते लिफ्टचे बटण दाबण्यापूर्वीच ते लिफ्टचा दरवाचा तोडून थेट आतमध्ये जाताना दिसत आहेत. ही संपूर्ण घटना तिथे लावण्यात आलेल्या सीसीटीव्ही कॅमेऱ्यात कैद झाली असून या घटनाचा व्हिडीओ पाहून अनेकांजणांना धक्का बसला आहे.

या भीषण अपघाताचा व्हिडिओ सध्या सोशल मीडियावर व्हायरल होत आहे. दरम्यान, व्हिडीओत पुढे काही सुरक्षारक्षक त्या ठिकाणी पोहचतात आणि दारुच्या नशेत लिफ्टमध्ये पडलेल्या दोघांना खूप मेहनतीने बाहेर काढतात. शिवाय या अपघातामधू दोघेही सुखरुप बचावले आहेत. ते सुखरुप बाहेर आल्याचं पाहून अनेकांनी ते सुदैवाने बचावले नाहीतर दारु पिणं त्यांच्या जीवावर बेतलं असतं असं म्हटलं आहे.