Local Train Viral Fight Video: प्रवासादरम्यान अनेक वेळा सीटवरून प्रवाशांमध्ये वाद होत असतात. लांबचा प्रवास करणार्‍या प्रवाशाला पुढच्या प्रवासासाठी बसायला जागा मिळत नाही आणि त्यासाठी मग तो वाटेल ते करू लागतो, तेव्हा भांडण होण्याची शक्यता असते. सीटवरून प्रवाशांमध्ये होत असलेला वाद अनेकदा सोशल मीडियावर पाहायला मिळतो, ज्याचे व्हिडीओ सर्रासपणे व्हायरल होतात, आणि नेटकरी देखील असे व्हिडीओ खूप एन्जॉय करतात.आतापर्यंत तुम्ही मुंबई लोकलमधील महिलांच्या भांडणाचे अनेक व्हिडीओ पाहिले असतील. लोकलमधली महिलांची भांडण काही नवी नाही, त्यातल्या त्यात पुरुषांच्या भांडणाचे व्हिडीओ क्वचितच पाहायला मिळतात. असाच एक मुंबई लोकलमधील दोन पुरुषांमधील राड्याचा व्हिडीओ सध्या सोशल मीडियावर व्हायरल झाला आहे.
मुंबई लोकलमध्ये दोन पुरुषांमध्ये राडा
या व्हीडियोमध्ये दोन पुरुषांमध्ये सीटसाठी जोरदार भांडण सुरू असल्याचे आपण पाहतो. शाब्दिक सुरू झालेली ही लढत काही वेळानंतर धक्काबुक्कीपर्यंत पोहोचते. मुंबई लोकलमध्ये मारहाणीच्या घटना सातत्यानं घडत असल्याचं समोर येतं. रोज कुठेना कुठेना अगदी क्षुल्लक कारणांवरुन बाचाबाची, मारहाण असे प्रकार घडत असतात. सीटवर बसण्यावरुन तर नेहमीच मारहाणीच्या घटना घडत असतात. असाच एक प्रकार मुंबई लोकलमध्ये घडला आहे. या घटनेचा व्हिडीओ देखील समोर आला असून व्हिडीओ मोठ्या प्रमाणात व्हायरल देखील होत आहे.
मुंबईची लाइफलाइन असलेल्या लोकलमध्ये नेहमीच जागेच्या वादावरून भांडणं होतांना दिसतात. लोकलमधील गर्दी, चौथ्या सिटसाठी हाणामारी होत असते.
पाहा व्हिडीओ
हेही वाचा – चक्क फ्लॉवर भाजीत आढळला साप; महिलांनो भाजी निवडताना सावधान…VIDEO पाहून भाजी घेताना १०० वेळा विचार कराल
लोकलचे हे प्रश्न कधी सुटणार
लोकलसेवा ही मुंबईची जीवनवाहिनी आहे. या लोकलमधून लाखो नागरिक हे रोज प्रवास करत असतात. मात्र, लांबचा प्रवास करताना जागा मिळवण्यासाठी वादाचे प्रसंग उद्भवत असल्याचे पाहायला मिळते. त्यामुळे नेहमीच होत असलेल्या अशा प्रसंगांवरून मुंबई लोकलचे हे प्रश्न कधी सुटतील हा प्रश्न पडतो.
