पैसे नसल्याने गवंडीकाम करून बहिणींनी बांधले घरात शौचालय

भारतात अशी अनेक खेडी आहेत जिथे अनेक घरांत शौचालय नाही. उघड्यावर शौचालयाला जाऊ नये यासाठी अनेक गावात सरकारकडून वेगवेगळ्या मोहिम राबवल्या गेल्या. अमिताभ बच्चन, आमीर खान, विद्या बालन, सचिन तेंडूलकर यासाख्या दिग्गजांनी भारत सरकारच्या या स्वच्छ भारत मोहिमेच्या प्रचारसाठी हातभार लावला. यापासून प्रेरणा घेत अनेकांनी आपले गाव हागणदारी मुक्त बनवण्यासाठी प्रयत्न केला. काही दिवसांपूर्वी नव-या मुलाच्या घरात शौचालय नसल्याने एका तरुणीने लग्नाला नकार दिला होता. तर एका महिलेने शौचालय बनवण्यासाठी आपले मंगळसुत्र गहाण टाकले होते. यांचे कौतुक करावे तेवढे कमीच आहे आता या यादीत आणखी दोन बहिणींचा समावेश झाला आहे. आपल्या शिष्यवृत्तीच्या पैशांतून आणि प्रसंगी गवंडीकाम करून कमावलेल्या पैशांतून या बहिणींनी आपल्या घरात शौचालय बांधले.