होणाऱ्या पत्नीला मेसेजवर मूर्ख म्हणणाऱ्याला तुरुंगवास

शिव्या देणे हा गुन्हा असला तरीही भारतात सर्रास एकमेकांना शिव्या दिल्या जातात. मात्र अशाप्रकारे एखादी शिवी देण्यामुळे थेट तुरुंगवास घडू शकतो याची तुम्ही कधी कल्पनाही केली नसेल. पण संयुक्त अरब अमिरातीमधील अबुधाबी येथे एका व्यक्तीने आपल्या होणाऱ्या बायकोला मूर्ख म्हटल्याने त्याला २ महिन्यांच्या कारावासाची शिक्षा आणि ३ लाख ९० हजारांहून अधिक दंड भरावा लागला. आपल्या होणाऱ्या बायकोला हा व्यक्ती व्हॉट्सअॅप मेसेजद्वारे मूर्ख म्हटला होता. आपण हा शब्द अतिशय गमतीत वापरला होता असे हा व्यक्ती म्हटला. मात्र या मुलीने ही गोष्ट गांभिर्याने घेत आपल्या होणाऱ्या नवऱ्याची पोलिसात तक्रार केली. याठिकाणी अशाप्रकारे कोणाला शिवी देणे हा दंडनीय अपराध असल्याने या व्यक्तीला लगेचच शिक्षा झाली.