Viral Video: लॉकडाऊननंतर अनेक सोशल मीडियावर इन्फ्लूएन्सर, ब्लॉगर यांनी स्वतःची वेगळी ओळख निर्माण केली आहे. एखादा मजेशीर, भावुक तर एखादा खास संदेश हे सर्व इन्फ्लूएन्सर या व्हिडीओच्या माध्यमातून देत असतात. तर आज सोशल मीडियावर असाच एक व्हिडीओ व्हायरल होत आहे. इथे एका इन्फ्लूएन्सर जोडप्याने भारतात येऊन रिक्षातून त्यांचा नऊ हजार किलोमीटरचा प्रवास पूर्ण केला आहे. कोण आहे हे खास जोडपं चला पाहू.
अलीकडेच ब्रिटनमधील एक जोडपं प्रवास करीत भारतात आले आहेत. या जोडप्याचे युट्यूबवर ‘द हैप्पी डेज’ (These Happy Days) चॅनेल आहे. लियाम (Liam) आणि जेनिन (Janine) यांनी भारतातील वैविध्यपूर्ण निसर्गरम्य ठिकाणांना भेट दिली आहे. तसेच भारतातील विविध ठिकाणांना भेट देताना या जोडप्याने ऑटोरिक्षाची निवड केली. तसेच खास गोष्ट अशी की, त्यांनी भारतातील या नऊ महिन्यांच्या प्रवासादरम्यान ऑटोरिक्षातून कन्याकुमारी ते अमृतसर असा नऊ हजार किलोमीटरचा प्रवास केला आहे.
हेही वाचा…मोफत ज्यूससाठी हॉटेलमध्ये रंगला खेळ; तरुणाने बटण दाबताच सुरु झाला टास्क अन्… पाहा VIDEO
व्हिडीओ नक्की बघा :
”द इंडियन एक्स्प्रेसला” दिलेल्या मुलाखतीत या दोघांनी संपूर्ण भारतातील त्यांच्या साहसी प्रवासाबद्दल माहिती दिली आहे. भारतातील अनेक शहरांत ऑटोरिक्षा चालवण्याच्या त्यांच्या अनुभवाबद्दल विचारले असता जेनिनने खुलासा केला की, भारतात नऊ हजार किमीचा प्रवास करताना जेनिन हा रिक्षाचालक होता, तर लियाम ही प्रवासी म्हणून प्रवास करत होती. तसेच लियामने चेन्नईच्या एका शांत परिसरात अर्धा तास रिक्षा चालवण्याचा सराव केला.
तसेच या जोडप्याने महाशिवरात्री साजरी करण्याचा अनुभवही सांगितला आहे. सोशल मीडियावर हा व्हिडीओ @thosehappy_days आणि @vegan_food_uk या इन्स्टाग्राम अकाउंटवरून शेअर करण्यात आला आहे. नेटकरी हा व्हिडीओ पाहून या जोडप्याचे कौतुक करताना तर त्यांच्या प्रवासाबद्दल अनेक प्रश्न विचारताना कमेंटमध्ये दिसून आले आहेत
