Viral Video : सोशल मीडियावर अनेक उखाण्याचे व्हिडीओ व्हायरल होत असतात. काही व्हिडीओ इतके मजेशीर असतात की पोट धरुन हसायला येते. सध्या असाच एक उखाण्याचा व्हिडीओ तुफान व्हायरल होत आहे. या व्हिडीओमध्ये या महिलेने एक उखाणा घेतला आहे. तिचा ऐकून तुम्हाला हसू आवरणार नाही.
उखाणा हा महाराष्ट्राच्या संस्कृतीचा महत्त्वाचा भाग आहे. लग्न समारंभ असो किंवा कोणतेही शुभ कार्य उखाणा हा आवर्जून घेतला जातो. या व्हायरल व्हिडीओमध्ये एका हळदी कुंकवाच्या कार्यक्रमाला महिला उखाणा सांगताना दिसतेय.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

हा व्हायरल व्हिडीओ एका हळदी कुंकवाच्या कार्यक्रमातील आहे. व्हिडीओत तुम्हाला दिसेल की एक महिला दुसऱ्या महिलेला हळदी कुंकू लावते आणि त्यानंतर ओटीत वाण देताना उखाणा विचारते तेव्हा ती दुसरी महिला भन्नाट उखाणा सांगते. उखाणा सांगताना ती म्हणते, “तुटले होते म्हणून भटकत होती मी, आता सर्व संपले असे समजत होती मी.. स्वत:ला दोष देत जगत होती मी, खरी होती तरी खोटी ठरली मी.. आयुष्याने असं मला सतवलं, शेवटी आयुष्यात आले सारंगधर ज्यांनी मला पावडर लावून फसवलं…”
उखाणा ऐकताना सुरूवातीला तुम्हाला वाटेल की महिला खूप गंभीरपणे उखाणा घेते पण नंतर शेवटी जी उखाण्याची ओळ म्हणते ते पाहून तुम्हीही पोट धरुन हसाल. व्हिडीओत तुम्हाला उखाणा विचारणारी महिला सुद्धा पोट धरुन हसताना दिसेल. सध्या हा व्हिडीओ तुफान व्हायरल होत आहे.

हेही वाचा : शार्कचा समुद्रात डायव्हिंग करणाऱ्या ग्रुपवर हल्ला, भयंकर क्षण कॅमेऱ्यात कैद; एकाच झटक्यात दोघांना केलं लक्ष्य

rashmisononemh27 या इन्स्टाग्राम अकाउंटवरुन हा व्हिडीओ शेअर करण्यात आला असून या व्हिडीओवर अनेक युजर्सनी प्रतिक्रिया दिल्या आहेत. एका युजरने लिहिलेय, “खूप भारी उखाणा घेतला ताई” तर एका युजरने लिहिलेय, “हा उखाणा घेऊन तुम्ही आम्हाला हसवलं” आणखी एका युजरने लिहिलेय, “लय भारी उखाणा” अनेक युजर्सनी या व्हिडीओवर हसण्याचे इमोजी शेअर केले आहेत.
उखाणा घेणाऱ्या महिलेचे नाव रश्मी सारंग सोनोने आहे. तिच्या इन्स्टाग्राम अकाउंटवरूनच हा व्हिडीओ तिने शेअर केला आहे. तिचे अनेक फॉलोवर्स असून असे अनेक मजेशीर व्हिडीओ ती तिच्या अकाउंटवरून शेअर करत असते.