Ukraine War: रशियन सैनिकांच्या नातेवाईकांसाठी युक्रेनचा पुढाकार; अनेक रशियन सैनिकांच्या मातांनी केला संपर्क

युक्रेनच्या संरक्षण मंत्रालयाने युक्रेनमध्ये युद्धासाठी आलेल्या रशियन सैनिकांच्या कुटुंबियांसाठी एक हॉटलाइन सेवा सुरु केलीय. या सेवेचं नाव त्यांनी, ‘कम बॅक अलाइव्ह फ्रॉम युक्रेन’ असं ठेवलंय. ‘किव्ह इंडिपेण्डंट’ या वृत्तपत्राने दिलेल्या बातमीनुसार या हॉटलाइन सेवेवर आतापर्यंत शेकडो कॉल आले आहेत. युक्रेनने पकडलेल्या रशियन सैनिकांच्या कुटुंबियांना आवाहन केलं आहे की त्यांच्याशी संपर्क साधण्यासाठी या हॉटलाइनचा वापर करावा. त्यांच्या देशाने पुकारलेल्या युद्धाचा विरोध करावा असंही युक्रेननं रशियन सैनिकांच्या कुटुंबियांना सांगितलंय.

आणखी वाचा

‘नवरी मिळे हिटलरला’ मालिकेतील अभिनेत्रीने शेअर केले बालपणीचे गोंडस फोटो; नेटकरी म्हणाले, “अशीच आयुष्यभर…”

१८ नोव्हेंबर पंचांग: संकष्टी चतुर्थी १२ पैकी कोणत्या…

रशिया-युक्रेन संघर्ष अणुयुद्धात बदलणार? युक्रेनची अणुबॉम्बची तयारी? काय होणार जगावर परिणाम?

डोनाल्ड ट्रम्प आणि व्लादिमीर पुतिन खरोखर एकमेकांचे मित्र आहेत का? दोघांच्या मैत्रीत युक्रेनचा ‘बकरा’?

युक्रेनबरोबर सुरू असलेल्या युद्धामुळे रशियात बटरची चोरी; नेमकं प्रकरण काय?

युक्रेन, इस्रायल युद्धांमुळे कार्बन उत्सर्जनामध्ये वाढ

भंडारा विधानसभेत अपक्ष उमेदवारांचा बोलबाला? युती-आघाडीतील असंतुष्ट अपक्षांच्या पाठिशी!

‘या’ देशात स्थापन होणार सेक्स मंत्रालय? डेटिंग अन् लग्नासाठीही सरकार पुरवणार आर्थिक साह्य? कारण काय?

नक्की पाहा >> देशाचं नाव चुकीचं घेतल्यानं नारायण राणे ट्रोल; मुंबई विमानतळावरील व्हिडीओ झाला व्हायरल

युक्रेनविरुद्धच्या युद्धामध्ये पकडलेल्या किंवा मरण पावलेल्या रशियन सैनिकांच्या नातेवाईकांसाठी ही सेवा सुरु करण्यात आलीय. जिवंत पकडलेल्या रशियन सैनिकांना युद्धकैदी म्हणून ताब्यात घेण्यात आलंय. युक्रेनच्या या हॉटलाइनवर रशियामधून शेकडो सैनिकांच्या मातांनी फोन केले आहेत. काही प्रसार माध्यमांनी दिलेल्या वृत्तानुसार युक्रेनमध्ये जखमी झालेल्या सैनिकांना रुग्णालयांमध्ये दाखल करुन त्यांच्यावर उपचार केले जात आहेत.

नक्की वाचा >> चेल्सी फुटबॉल क्लब विकणे आहे!; सगळा निधी युक्रेनच्या युद्धग्रस्तांना देणार रशियन मालक

युक्रेननं अनेक जखमी रशियन सैनिकांचे व्हिडीओ जारी केलेत. या व्हिडीओमध्ये सैनिक त्यांचं म्हणणं मांडताना दिसत आहेत. शनिवारपासून सुरु करण्यात आलेल्या एका टेलिग्राम चॅनेलवरुन हे व्हिडीओ पोस्ट केले जात आहेत. यामध्ये युक्रेनने ताब्यात घेतलेले रशियन सैनिक दिसत असून या सैनिकांच्या कुटुंबियांना त्यांची परिस्थिती फोनवरुन कळवल्यानंतर आपल्या जवळची व्यक्ती युक्रेनवर रशियाने केलेल्या हल्ल्यामधील तुकडीत असल्याचं जाणून अनेकजण थक्क होत आहेत.

नक्की वाचा >> Ukraine War: “तिसरं विश्वयुद्ध झालं तर अण्वस्त्रांचा वापर होईल आणि…”; रशियाचं वक्तव्य

युक्रेनकडून पोस्ट केल्या जाणाऱ्या या व्हिडीओंवर रशियाने अद्याप कोणतीही प्रतिक्रिया दिलेली नाहीय. रशियाने आपल्या सैनिकांबद्दल फारच कमी माहिती सार्वजनिक केलीय. रविवारी पहिल्यांदाच रशियाने युक्रेनवर हल्ला केलेल्या तुकड्यांमधील काही सैनिक मारले गेल्याची आणि काही जखमी झाल्याची कबुली दिलीय.