Uncle Video: सोशल मीडियावर दररोज असंख्य व्हिडीओ व्हायरल होताना आपण पाहत असतो. त्यात डान्सच्या व्हिडीओंची संख्या अधिक असते. अगदी लहानग्यांपासून ते वयोवृद्ध मंडळी सोशल मीडियावर थिरकताना दिसतात. कधी मेट्रोत डान्स, तर कधी सार्वजनिक ठिकाणी, तर कधी रस्त्यांवर; फक्त प्रसिद्धी मिळावी यासाठी लोक असे विविध प्रकारचे व्हिडीओ करत असतात. तर काही जण फक्त आपल्या आनंदासाठी अशा प्रकारचे व्हिडीओ सोशल मीडियावर शेअर करत असतात.
सध्या असाच एक व्हिडीओ सोशल मीडियावर व्हायरल होतोय; ज्यात एका महिलेचा डान्स सुरू असताना एक काका अचानक स्टेजवर जाऊन डान्स करायला लागले आहेत.
व्हायरल व्हिडीओ
व्हायरल झालेला हा व्हिडीओ सध्या चर्चेत आहे. या व्हिडीओत आपण पाहू शकता की, एक कार्यक्रम आयोजित केला गेला आहे. या कार्यक्रमात एक महिला आपलं नृत्यकौशल्य सादर करण्यासाठी स्टेजवर आली आहे. गाणं सुरू होताच महिला थिरकायला लागते. पण, स्टेजवर उभे असलेल्या काकांना हा मोह आवरत नाही आणि तेही या गाण्यावर थिरकायला लागतात.
काका डान्स करायला लागताच एक महिला त्यांना थांबण्यास सांगते. स्टेजवर आधीच एक डान्स परफॉर्मन्स सुरू असताना काकांनी अचानक सुरू केलेला डान्स पाहून अनेक जण आश्चर्यचकित होतात. पण काही केल्या काका ऐकत नाहीत आणि डान्स सुरू ठेवतात. ‘छबीदार छबी मी तोऱ्यात उभी’ हे गाणं या व्हिडीओला जोडण्यात आलं आहे.
हा व्हिडीओ @marathi_epic_jokes या इन्स्टाग्राम अकाउंटवरून शेअर करण्यात आला आहे. काकांना अचानक काय झालं असेल, अशी कॅप्शन या व्हिडीओला देण्यात आली आहे. तर तब्बल २.७ मिलियन व्ह्युज या व्हिडीओला आले आहेत.
युजर्सच्या प्रतिक्रिया
व्हायरल झालेला हा व्हिडीओ पाहून अनेकांनी आपल्या प्रतिक्रिया शेअर केल्या आहेत. एका युजरने कमेंट करीत लिहिलं, “काकांनी लोक काय विचार करतील हा विचार सोडून, त्यांना जे आवडत ते केलं” तर दुसऱ्याने “काकांचं काय खरं नाही”, अशी कमेंट केली. काका काय जबरदस्त डान्स करता, काका रॉक पब्लिक शॉक, काका तापले, काकांच्या अंगात मायकल जॅक्सन अशा स्वरूपाच्या अनेक कमेंट्स या व्हिडीओवर नेटकऱ्यांनी केल्या आहेत.
