आता तर हद्दच झाली! वाटाणे पाण्यात टाकताच काय झालं पाहा; VIDEO पाहून सोललेले वाटाणे घेताना शंभर वेळा विचार कराल

मटार फक्त थंडीच्या दिवसात येतात, म्हणून ते टिकवण्यासाठी लोक फ्रीझरमध्ये मटार ठेवतात किंवा फ्रोजन मटार वापरतात. ज्यामुळे तुम्ही वर्षाच्या कोणत्याही वेळी मटार खाण्याचा आनंद घेऊ शकता. परंतु यामध्ये तुमची कशी फसवणूक होऊ शकते हे या व्हिडीओमध्ये पाहा. या व्हिडीओमध्ये तुम्ही पाहू शकता, ही महिला तिच्याबरोबर कशी फसवणूक झाली हे सांगत आहे. या महिलेने बाजारातून सोललेले वाटाणे आणले होते. आपल्याला माहितीये ताजे वाटाणे हे हिरवेगार असतात. असेच हिरवे गार वाटाणे महिलेने कुकरमध्ये शिजायला ठेवले, मात्र कुकर जेव्हा उघडला तेव्हा महिलेला धक्काच बसला. कारण हे पांढरे वाटाणे होते, आणि त्याला रंग देऊन विकले होते. या व्हिडीओमध्ये तुम्ही पाहू शकता, कुकरमध्ये हिरव्या रंगाचं पाणी दिसत आहे. अशाप्रकारे रंग वापरुन विक्रेत्यांनी नागरिकांच्या जिवाचा खेळ मांडला आहे.

बाजारात आधीच मोठ्या प्रमाणावर आपली फसवणूक होत असते. भेसळयुक्त पदार्थ, प्रक्रिया केलेले पदार्थ खाण्याशिवाय आता आपल्याला पर्याय नाह. कारण- आता सर्वच पदार्थांमध्ये भेसळ केली जाते. त्यामुळेच हल्ली आजारी पडण्याचं प्रमाण वाढलं आहे.

पाहा व्हिडीओ

हेही वाचा >> VIDEO: लाखाला भारी पडला प्रामाणिकपणा! महिलेची सोन्याची चैन परत करण्यासाठी रिक्षा चालकानं काय केलं पाहा

हा व्हिडीओ सोशल मीडियावर व्हायरल होत असून, नेटकरी यावर संताप व्यक्त करीत आहेत. उद्या तुमच्याबरोबर हे घडलं, तर आश्चर्य वाटायला नको, अशी प्रतिक्रिया एका युजरनं दिली आहे. हा व्हिडीओ borde_vish या अकाउंटवरून शेअर करण्यात आला असून, त्याला आतापर्यंत लाखो व्ह्युज मिळाले आहेत. तर आणखी एका युजरने व्हिडीओवर नागरिकांच्या जिवाळी खेळ अशी कमेंट केली आहे.