निसर्ग आपल्याला वेळोवेळी आश्चर्यचकित करत असतो. याच निसर्गात असे काही चित्र विचित्र रहस्यमयी प्राणी आहेत, जे पाहताना काहीवेळा थक्क व्हायला होते. सध्या सोशल मीडियावर अशाच एका विचित्र माशाचा व्हिडीओ खूप व्हायरल होत आहे. जो चक्क सारड्यासारखे रंग बदलू शकतो. तुम्हालाही हे वाचून आश्चर्य वाटले असेल, पण हे खरे आहे. या माशाला टाईलफिश किंवा फ्लॅशिंग टाईलफिश म्हणतात. याचा व्हिडीओ सोशल मीडियावर खूप पसंत केला जात आहे.
सोशल मीडियावर व्हायरल होत असलेल्या व्हिडीओमध्ये तुम्ही बघू शकता की, पाण्यात पोहणारा एक मासा एका क्षणात कसा रंग बदलत आहे. पोहता पोहता तो कधी निळा, कधी नारंगी, कधी पिवळा तर कधी राखाडी रंग घेत असल्याचे दिसत आहे.
या अनोख्या माश्याचा व्हिडीओ @ThebestFigen नावाच्या एक्स (पूर्वीचे ट्विटर) अकाउंटवरून शेअर करण्यात आला आहे. या व्हिडीओच्या कॅप्शनमध्ये सांगण्यात आले की, ‘या माशाच्या त्वचेतील विशेष प्रथिनांच्या मदतीने तो रंग बदलत आहे.
या व्हिडीओवर युजर्स भरभरून कमेंट्स करत आहेत. एका युजरने लिहिले की, असा मासा असतो हे मला आधी माहीतच नव्हते. दुसऱ्या युजरने लिहिले की, समुद्रात अशा अनेक गोष्टी आहेत ज्याबद्दल आपल्याला माहिती नाही. तिसऱ्या युजरने लिहिले की, गिरगिट मासा आहे का?
