Uttarakhand accident video: तसे तुम्ही बरेच व्हिडीओ पाहिले असतील. पण हा एक असा व्हिडीओ, जो पाहिल्यावर तुम्हाला धडकी भरेल. ड्रायव्हिंग करता करता रस्त्यात असं काही घडलं की तुमच्या अंगावर काटा येईल. २५ सेकंदाचा हा व्हिडीओ आहे. ज्यातील ५ सेकंद भयंकर आहेत. असं नेमकं काय घडलं ते पाहुयात. उत्तराखंडमधून हा व्हिडीओ समोर आला असून व्हिडीओ पाहून तुमच्याही काळजाचा ठोका चुकेल. ‘अति घाई संकटात नेई’ हे वाक्य आपण जवळपास प्रत्येक हायवेवर वाचलं आहे. कारण वेगाने गाडी चालवून अपघात होण्यापेक्षा संथ गतीने सुखरुप घरी पोहोचलेलं बरं, हा या वाक्यामागचा मुख्य उद्देश आहे. तरी देखील काही मंडळी या सल्लाकडे दुर्लक्ष करतात. अन् पुढे याची मोठी किंमत त्यांना मोजावी लागते. याचिच प्रचिती देणारी एक घटना समोर आली आहे. कितीही अनुभवी ड्रायव्हर असला तरी घाटात गाडी चालवणे म्हणजे रिस्क आलीच. कधी कोणतं वळण येईल आणि थेट गाडी दरीत जाईल याचा नेम नसतो. त्यामुळे घाटात गाडी सावकाश चालवण्याचा सल्ला दिला जातो. मात्र प्रत्यक्षात हे ऐकताना कुणीही दिसत नाही. उत्तराखंडमध्येही अती घाईमुळे असाच एक भीषण अपघात झाला. चारधाम यात्रेसाठी निघालेल्या भाविकांच्या बसचा थरारक अपघात झालाय. भाविकांना घेऊन जाणारी बस डोंगरावर आदळल्याने मोठा अपघात टळला. बुधवारी कर्णप्रयागमधील नंदप्रयाग पुरसाडीजवळ दोन बसेसच्या धडकेचा व्हिडिओ सोशल मीडियावर व्हायरल झाला होता. व्हिडिओमध्ये बद्रीनाथच्या दिशेने जाणाऱ्या बसला ऋषिकेशकडे जाणाऱ्या बसने जोरदार धडक दिली. बसमध्ये प्रवास करणारे लोक जखमी झाले. मागून येणाऱ्या वाहनात बसलेल्या लोकांनी ही घटना आपल्या मोबाईलमध्ये कैद केली. पाहा व्हिडीओ हेही वाचा >> घाटकोपर दुर्घटनेनंतरचं भयान चित्र; रेस्क्यू ऑपरेशनचा अंगावर काटा आणणारा थरारक VIDEO समोर उत्तराखंड हे पर्वतीय राज्य आहे. त्यामुळे येथील रस्ते अतिशय वळणदार आहेत. म्हणजेच ड्रायव्हरला सतत स्टेअरिंग फिरवत राहावे लागते. एका बाजूला डोंगर तर दुसऱ्या बाजूला शेकडो फूट दरी आहे. जेथे लक्ष थोडेसे विचलिक झाले की अपघात होणे साहजिकच आहे. एकतर गाडी डोंगराला धडकेल किंवा खड्ड्यात पडेल. दरी देखील शेकडो मीटर खोल आहे. अनेक ठिकाणी दरीखाली नदी आहे निसरडे रस्ते उत्तराखंडमध्ये डोंगराळ भागातून असलेल्या रस्त्यांवर नेहमी दरड कोसळण्याच्या घटना घडत असतात. त्यामुळे कितीही चांगला रस्ता तयार केला तरी तो जास्तकाळ त्या स्थितीत राहत नाही. अशावेळी खराब रस्त्यावरुनच गाडी चालवावी लागते. त्यामुळे गाडीच्या टायरला चांगली ग्रीप मिळत नाही. परिणामी मोठे अपघात होतात.
