वसईच्या तुंगारेश्वरमध्ये लोणावळ्याची पुनरावृत्ती; दोन तरुण एक दोरी आणि पाण्याचा प्रचंड प्रवाह; रेस्क्यूचा थरारक VIDEO व्हायरल

लोणावळ्याची घटना ताजी असतानाच आणखी एक दुर्घटना

लोणावळ्यात एकाच कुटुंबातील पाच जण वाहून गेल्याची घटना (३० जून) घडली होती. ही घटना ताजी असतानाच ताम्हिणी घाटात एक तरुण वाहून गेल्याची घटना घडली. दरम्यान, अशीच आणखी एक घटना समोर आली आहे. यावेळी वसई येथील तुंगारेश्वर येथे पाण्याचा प्रवाह अचानक वाढला अन् काही तरुण यामध्ये वाहून गेले. मुसळधार पावसामुळे वसईतील तुंगारेश्वर धबधबा ओसंडून वाहत आहे. पण, पावसामुळे होणाऱ्या दुर्घटनांच्या पार्श्वभूमीवर पोलिसांनी तुंगारेश्वर धबधब्यावर जाण्यास पर्यटकांना बंदी घातली आहे. तरीही पर्यटक धबधबा परिसरात गर्दी करत आहेत. यात हुल्लडबाजी करणाऱ्यांची संख्याही जास्त आहे. तरुणाई प्रशासनाचे आदेश झुगारून पिकनिकला जात आहे. पण, कधी कधी ही हौस महागात पडते आणि जीवावर बेतते. अशीच एक दुर्घटना वसईत उघडकीस आली आहे.

रेस्क्यूचा थरार

या व्हिडीओमध्ये तुम्ही पाहू शकता, पाण्याच्या प्रचंड प्रवाहात एका दोरीला पकडून दोन तरुण पाण्यात अडकले आहेत. पाण्याच्या प्रवाहात ते कधीही वाहून जातील अशी परिस्थिती असताना यावेळी एक जण पाण्याच्या प्रवाहासोबत वरून येऊन वाहून गेल्याचं दिसत आहे. एक तरुण वाहून जाताच मागून आणखी एक तरुण वाहून जातो. यावेळी आजूबाजूचे पर्यटक या तरुणांना वाचवण्यासाठी प्रयत्न करत आहेत, मात्र पाण्याचा वेग हा वाढतच जात आहे.

पाहा व्हिडीओ

https://www.instagram.com/reel/C9ys3X3Noqh/?igsh=MXNiMHU0cmV5ZmJ3eQ==

हेही वाचा >> ‘अस्तित्वाच्या लढाईत संयम महत्वाचा’ माकडाने केला वाघाचा मोठा गेम; माकडाने असं काय केलं? पाहा Video

हा व्हिडीओ unexpolred_vasai नावाच्या अकाउंटवरून शेअर करण्यात आला आहे. हा व्हिडीओ पाहून नेटकऱ्यांचाही थरकाप उडाला आहे. नेटकरी यावर वेगवेगळ्या प्रतिक्रिया देत आहेत. एकानं म्हटलंय, “अशा ठिकाणी पावसाळ्यात जाऊच नये.” तर दुसऱ्या एका युजरनं म्हटलंय की, बापरे या तरुणांचं पुढे काय झालं?