Accident Viral Video: रस्ते अपघातांचे अनेक व्हिडीओ सोशल मीडियावर व्हायरल होत असतात. यामध्ये काही अपघात हे वाहन चालकाच्या चुकीमुळे होताना दिसतात, तर काही अपघात हे दुसऱ्याच्या चुकीमुळे घडत असतात. असाच एक व्हिडीओ सोशल मीडियावर समोर आला आहे, जो अक्षरश: अंगावर काटा आणत आहे. हा व्हिडीओ एक उदाहरण म्हणूनदेखील समोर आला आहे, ज्याला पाहून तुम्ही गाडी चालवताना किती सतर्क राहायला पाहिजे हे दाखवत आहे. तामिळनाडूतील तिरुमंगलमजवळ शिवराकोट्टई येथील विरुधुनगर-मदुराई महामार्गावर बुधवारी भरधाव कारने दुचाकीला धडक दिली. ही धडक इतकी भीषण होती की यामध्ये कुटुंबातील चार सदस्यांसह पाच जणांना आपला जीव गमवावा लागला.हा भीषण रस्ता अपघात सीसीटीव्हीत कैद झाला आहे. व्हायरल होणारा व्हिडीओ पाहून तुमचाही थरकाप उडेल…
मिळालेल्या माहितीनुसार विलापुरम येथील मणी नावाचा एक व्यक्ती ही कार चालवत होता. त्याची पत्नी नागजोथी, त्यांची ८ वर्षांची मुलगी आणि आई-वडील कानगवेल आणि कृष्णवेणी यांच्यासह मदुराईला जात असताना ही घटना घडली. या व्हिडीओमध्ये तुम्ही पाहू शकता, अपघातात पांढऱ्या रंगाची कार आधी दुभाजकाला धडकली आणि नंतर रस्त्यावरुन जाणाऱ्या ५३ वर्षीय दुचाकी चालकाला धडकली. त्यानंतर ती महामार्गाच्या पलीकडे असलेल्या सर्व्हिस रोडवर उलटली.
दुर्दैवाने, यामध्ये कार चालकाची पत्नी, आई-वडिल आणि दुचाकी चालकाचा मृत्यू झाला आहे. तर कारचालक आणि त्याची मुलगी बचावली आहे. यावेळी जखमी कारचालक आणि मुलीला राजाजी रुग्णालयात दाखल करण्यात आलं असून तरुणीची प्रकृती गंभीर आहे.हे कुटुंब थलवाईपुरम येथून मंदिरातील उत्सवात सहभागी होऊन परतत होते.
पाहा व्हिडीओ
हेही वाचा >> जिथं भीती संपते तिथं आयुष्य सुरु होतं! मुंगूसानं दिली सिंहांना टक्कर; शेवटी कोण पडलं कुणावर भारी?
सोशल मीडियावर दररोज अपघातांशी संबंधित व्हिडीओ शेअर केले जातात. ज्यातील काही व्हिडीओ पाहिल्यानंतर सर्वांनाच धक्का बसतो. हे अपघात टाळण्यासाठी एकच उपाय आहे, तुम्ही सदैव सावध राहा. या व्हिडीओला लोक वारंवार पाहात आहेत. तसेच हा व्हिडीओ सोशल मीडियावर जोरदार व्हायरल झाला आहे.
