Girl Crying Viral Video: मोठमोठ्या अभिनेत्री टीव्ही- सिनेमामध्ये एका झटक्यात रडू लागतात. चला तिथे तर ग्लिसरीन किंवा अन्य काहीतरी वापरून अश्रू डोळ्यात आणले असतील असा आपण अंदाज बांधतो. पण याच अभिनेत्रींनीं काहीवेळा रिऍलिटीशो मध्ये सुद्धा जागच्या जागी रडून दाखवले आहे. तुम्हाला आठवत असेल तर, ‘बिग बॉस’मध्ये हिना खानने तर ‘बस बाई बस’ शो मध्ये अभिनेत्री प्रार्थना बेहरेने सुद्धा काही सेकंदात रडून दाखवलं होतं. यावर आपल्याला इतक्या वर्षाचा कामाचा अनुभव आहे त्यामुळेच हे शक्य होतं असं दोघींनी सुद्धा सांगितलं होतं. आता या बड्या अभिनेत्रींच्या तोडीचा अभिनय एका चिमुकलीने केला होता ज्याचा एक व्हिडीओ सध्या तुफान व्हायरल होत आहे.
@tani_Ekke या इंस्टाग्राम अकाउंटवर शेअर करण्यात आलेल्या एका व्हिडिओमध्ये एका गोंडस चिमुकलीला एक माणूस मी तुला ५० रुपये देतो तू रडून दाखव असं सांगतो. यानंतर तो तीनपर्यंत मोजतो आणि मग ती चिमुकली जी काही जोराने रडू लागते की तुम्हला विश्वासच बसणार नाही. अवघ्या तीन सेकंदात तिच्या डोळ्यातून चक्क अश्रू ओघळू लागतात. बरं खरी मज्जा तर नंतर आहे जेव्हा ती व्यक्ती चिमुकलीला थांब म्हणते तेव्हा चक्क एखादा शूटिंगचा सीन कट व्हावा तशी ती शांत बसते.
Video: भाई, RRR चा ऑस्कर हिला द्या…
हे ही वाचा<< प्रेयसीच्या लग्नात Ex ने गिफ्ट केलेल्या होम थिएटरने २४ तासात घेतला नवऱ्याचा बळी; हत्येचा घटनाक्रम वाचून डोकंच धराल!
दरम्यान या व्हिडिओवर आतापर्यंत ३ लाख ८७ हजाराहून अधिक लाईक्स आहेत. व हजारो लोकांनी यावर कमेंट केली आहे. तुम्हाला मुंबईला जाण्याची गरज नाही मुंबई स्वतः तुमच्याकडे चालून येईल. असे काहींनी म्हटले आहे. तर काहींनी आरआरआरचा ऑस्कर हिलाच द्या अशी मजेशीर मागणी कमेंटमध्ये केली आहे. तुम्हाला हा व्हिडीओ कसा वाटलं कमेंटमध्ये नक्की कळवा.
