Jugaad Viral Video: थंडीच्या महिन्यात सकाळी कधी लवकर निघायचं असेल तर पहिला प्रश्न येतो आंघोळीचा! थंडीत सकाळी ८ वाजता थोडा फार सूर्यप्रकाश असतानाही अंघोळ करणं म्हणजे नको वाटतं .मग विचार करा जर थंड गार नदीच्या पाण्यात तुम्हाला डुंबायला सांगितलं तर..वाचूनच हुडहुडी भरली ना पण सध्या सोशल मीडियावर व्हायरल होणाऱ्या व्हिडिओमध्ये एका हुशार जुगाडू तरुणाने हा प्रयोग आपल्या डोळ्यासमोर केला आहे. बरं थंड पाण्याने आंघोळ करणं हा या तरुणाचा प्रताप नाही बरं का.. या पठ्ठ्याने आंघोळीसाठी चक्क नदीच्या पाण्यात आग लावण्याचा पराक्रम केला आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

व्हायरल व्हिडिओमध्ये अनेकदा आपल्याला डोळ्यावर विश्वास बसणार नाही अशा गोष्टी पाहायला मिळतात. त्यातीलच हा एक प्रकार सध्या सोशल मीडियावर सर्वांचं लक्ष वेधून घेत आहे. पाहायला गेला तर तितकाच चमत्कारिक आणि नाही तर तितकाच मजेशीर असा हा व्हिडीओ आहे. आपण व्हिडिओमध्ये पाहू शकता की थंडीच्या दिवसात एक तरुण नदीच्या पाण्यात उतरला आहे. पाण्यात डुबकी मारण्याआधीच कदाचित या तरुणाला पाण्यातील गारवा जाणवल्याने तो थांबतो आणि मग आपली हुशारी दाखवून चक्क पाण्यातच आग पेटवण्याची तयारी करू लागतो.

आणखी वाचा

आजूबाजूच्या गवताच्या काड्या भुसा जमा करून हा तरुण पाण्यावर आग लावण्याची तयारी करताना दिसत आहे. हा व्हिडीओ इंस्टाग्रामवर शेअर करण्यात आल्यापासून याला हजारो लाईक्स व व्ह्यूज मिळाले आहेत.

अन भावाने पाण्यात पेटवली आग..

हे ही वाचा<< पाय घसरला अन खेळ संपला! ट्रेन व प्लॅटफॉर्ममध्ये अडकलेल्या तरुणीचा मृत्यू; अंगावर काटा आणेल हा Video

दरम्यान हा व्हिडीओ पाहून नेटकरी मात्र चांगलीच मजा घेत आहेत. या माणसाच्या हुशारीने आग पेटूदे किंवा त्याची तयारी पाण्यात जाऊदे पण माझा दिवस तर मस्त बनला आहे अशा कमेंट या व्हिडीओखाली दिसून येत आहेत. हे टॅलेंट भारतातून बाहेर नाही गेलं पाहिजे अशा कमेंट्स सुद्धा भरपूर पाहायला मिळत आहेत. तुम्हाला हा व्हिडीओ कसा वाटला हे कमेंट करून नक्की कळवा.