Viral Video : सोशल मीडियावर लहान मुलांचे अनेक व्हिडीओ व्हायरल होत असतात. काही व्हिडीओ मजेशीर असतात तर काही व्हिडीओ थक्क करणारे असतात. कधी हे लहान मुलं डान्स करताना दिसतात तर कधी हे लहान मुलं गाणी म्हणताना दिसतात. अनेकदा पालक कौतुकाने त्यांच्या मुलांचे व्हिडीओ सोशल मीडियावर शेअर करतात. अनेकदा लहान मुलांचा गोड संवाद ऐकताना मजा येते. नेटकरी सुद्धा अशा व्हिडीओवर भरभरून प्रतिसाद देतात.
सध्या असाच एक व्हिडीओ व्हायरल झाला आहे. या व्हिडीओमध्ये एक आई चिमुकलीबरोबर संवाद साधताना दिसते. या संवादादरम्यान चिमुकली असं काही बोलते की तुम्हीही पोट धरून हसाल. सध्या हा व्हिडीओ चांगलाच व्हायरल होत आहे.
हेही वाचा : ‘एक्सप्रेशन्स असावे तर असे…’ ट्रेनमध्ये भेळ विकणाऱ्या महिलेची ॲक्टिंग पाहा; VIDEO पाहून नेटकरी करतायत कौतुक
या व्हायरल व्हिडीओत दाखवल्याप्रमाणे –
आई : माहिका तुला अंघोळ कोण घालतं?
चिमुकली : मम्मा
आई : तुझे केस कोण विंचरतं?
चिमुकली : मम्मा
आई : तुला जेवण कोण भरवतं?
चिमुकली : मम्मा
आई : तुला फिरायला कोण नेतं?
चिमुकली : मम्मा
आई : तुला झोपवतं कोण?
चिमुकली : मम्मा
आई : तुला आवडतं कोण?
चिमुकली : डॅडा
आई : कोण आवडतं?
चिमुकली : डॅडा आवडतो.
आई : सगळं मी करणार आणि आवडतं कोण?
चिमुकली : डॅडा..
आई : का आवडतं?
त्यावर चिमुकली फक्त “डॅडा” “डॅडा” म्हणताना दिसते.
शेवटी चिमुकलीची आई तिला “कट्टी” म्हणते.
मायलेकीचा हा गोड संवाद चेहऱ्यावरून हसू आणेल. काही लोकांना त्यांचे बालपणीचे दिवस आठवेल.
पाहा व्हायरल व्हिडीओ (Viral Video)
mahikamoments या इन्स्टाग्राम अकाउंटवरून हा व्हिडीओ शेअर करण्यात आला असून या व्हिडीओवर लिहिलेय, “जेव्हा आई सर्वकाही करते पण तरीसुद्धा…”
या व्हिडीओवर अनेक युजर्सनी प्रतिक्रिया दिल्या आहेत. एका युजरने लिहिलेय, “माहिकाचे चाहते आता तिच्या बाबांचे चाहते झाले” तर एका युजरने लिहिलेय, “वडिलांची राजकुमारी” आणखी एका युजरने लिहिलेय, “तो शेवटचा “डाडा” जखमेवर मीठ चोळणारा होता” एक युजर लिहितो, “म्हणूनच मला मुलगी हवी आहे” या व्हिडीओवर अनेक युजर्सनी हार्टचे इमोजी शेअर केले आहेत.
