८ महिने अंतराळात हरवलेले ‘ते’ दोघे सापडले; तिथे पोहोचलेच कसे? नासाने शेअर केला Video, दृश्य पाहून व्हाल थक्क

स्पेस एजन्सीने असे उघड केले की टोमॅटो ”निर्जलित (सुके) आणि किंचित कुरकुरीत झाले होते परंतु त्यात सूक्ष्मजीव किंवा बुरशीची वाढ दिसून येत नव्हती”.

नासाने हा व्हिडीओ शेअर करताना मजेशीर कॅप्शन दिले आहे, ”XROTS प्रयोगासाठी लागवड करताना अंतराळवीर फ्रँक रुबिओने चुकून हरवलेले दोन टोमॅटो आता सापडले आहेत, त्यामुळे, हे सिद्ध झाले आहे की रुबियोने टोमॅटो खाल्लेले नव्हते. आमचा संशय खोटा सिद्ध झाला. ही फळे प्लॅस्टिकच्या पिशवीत डिहायड्रेटेड आणि सुकलेल्या स्थितीत आढळली असली तरी सूक्ष्मजीव किंवा बुरशीची वाढ दिसून आली नाही.”

नासाने पुढे सांगितले की, ”XROOTS साठी माती किंवा इतर वाढीच्या माध्यमांशिवाय वनस्पती वाढवण्यासाठी हायड्रोपोनिक आणि एरोपोनिक तंत्र वापरण्यात आले होते. पृथ्वीवर ज्याप्रकारे रोपांची लागवड केली जाते तीच पद्धत वस्तुमानाचा अभाव, देखभाल आणि स्वच्छताविषयक समस्यांमुळे अवकाशातील वातावरणात वापरली जाऊ शकत नाही. पण XROOT ची माती विना केलेली लागवड भविष्यातील अंतराळ संशोधन मोहिमांसाठी आवश्यक असलेल्या वनस्पती वाढीसाठी उत्तम उपाय ठरू शकते.”

Video: अंतराळात आठ महिने हरवलेले टोमॅटो सापडले

हे ही वाचा<< देवेंद्र फडणवीसांनी नागपुरात गायलं किशोरकुमारांचं गाणं, निमित्त ठरलं खास; तुम्ही Video पाहिलात का?

नासाने एका ब्लॉग पोस्टमध्ये लिहिले की, ”अंतराळात वनस्पती वाढवण्याचे अनेक फायदे आहेत. अंतराळवीर सांगतात की बागकामात वेळ घालवल्याने अंतराळात जीवनमान व त्यांचे मनोबल वाढवण्यासाठी या उपक्रमांचा फायदा होतो. अंतराळ स्थानकावरील संशोधनामुळे अंतराळात रोपे यशस्वीरीत्या वाढवण्यासाठी आणि मानवांना अंतराळ प्रवासाच्या सीमा ओलांडण्यास मदत करण्यासाठी आवश्यक तंत्रज्ञान विकसित होत आहेत.”