video of an elderly couple : सोशल मीडियावर सणासुदीनिमित्त ट्रेंड, चॅलेंज, कन्टेंट मोठ्या प्रमाणावर व्हायरल होत असतात. मग व्हिडीओ पाहून आपण भरपूर हसतो किंवा हा ट्रेंड नक्की करून पहिला पाहिजे असे अनेकदा ठरवतो. पण, आज एका वृद्ध जोडप्याने हे सगळे ट्रेंड, चॅलेंजला बाजूला ठेवून स्वतःचा एक खास व्हिडीओ शूट केला. वृद्ध जोडपं एका लोकप्रिय बॉलीवूड गाण्यावर लिप-सिंक करताना दिसले आहेत. त्यांचा हा अभिनय, त्यांच्यातील साधेपणा तुमचेही नक्कीच मन जिंकेल यात काही शंका नाही.
ऐश्वर्या राय, शाहरुख खान अभिनीत देवदास या आयकॉनिक चित्रपटातील हिट गाणे ‘बैरी पिया’ आपल्यातील अनेकांनी ऐकलं असेल. ‘बैरी पिया’ श्रेया घोषाल व उदित नारायण यांनी गायलं आहे. तसेच हे गाणे रोमँटिक आहे आणि हे गाणं जोडप्यासाठी त्यांचे प्रेम व्यक्त करण्यासाठी एक उत्तम पर्याय देखील ठरू शकते. तर आज आजी-आजोबांनी या गाण्यावर लिप-सिंक करत, खूप सुंदर अभिनय केला आहे. वृद्ध जोडप्याचा हा अभिनय तुम्ही सुद्धा व्हायरल व्हिडीओतून नक्की बघा…
व्हिडीओ नक्की बघा…
आजी-आजोबांची केमिस्ट्री :
व्हायरल व्हिडीओत तुम्ही पाहिलं असेल की, आजीने सुंदर साडी नेसून, केसांची वेणी बांधून त्यात गजरा सुद्धा माळला आहे. तर आजोबांनी पांढरा शर्ट घातला आहे आणि गाण्याच्या प्रत्येक ओळीवर दोघेही सुंदर अभिनय करताना दिसत आहेत. आजी-आजोबांची केमिस्ट्री, त्यांचे मोहक भाव, गाण्याच्या बोलांशी त्यांची लिप-सिंक आणि त्यांच्यातील प्रेम या व्हिडीओत अगदी खुलून दिसते आहे. त्यामुळे हा व्हिडीओ नऊ लाखांहून अधिक व्ह्यूज मिळवून सोशल मीडियावर व्हायरल झाला आहे.
सोशल मीडियावर हा व्हिडीओ @attachments_wtf या इन्स्टाग्राम अकाउंटवरून शेअर करण्यात आला आहे. व्हिडीओतील आजी-आजोबांची सादगी, त्यांचा अभिनय पाहून हे खरे इन्स्टाग्राम इन्फ्लुएन्सर आहेत असे अनेक जण म्हणू लागले. एका युजर कमेंट केली की, ‘जर माझा होणारा नवरा माझ्याबरोबर असा व्हिडीओ बनवणार नसेल तर मला लग्नच नाही करायच’ , तर दुसरा म्हणतोय की, ‘जोडीदारबरोबरचं नातं इथपर्यंत असलं पाहिजे’ ; आदी अनेक कमेंट नेटकऱ्यांनी केल्या आहेत.
