कोलकात्याच्या कालीघाट मेट्रो स्टेशनच्या प्लॅटफॉर्मवर एका जोडप्याचा किस(Kiss) घेतानाचा व्हिडिओ सोशल मीडियावर व्हायरल झाला आहे. स्थानकाचे नाव स्पष्टपणे दिसत आहे पण परंतु तारीख किंवा वेळ मात्र दिसत नाही. हा व्हिडिओ सोशल मीडियावर व्हायरल आहे.
आता व्हायरल झालेल्या व्हिडिओमध्ये हे जोडपे प्लॅटफॉर्मवर एकमेकांचे किस(चुंबन) घेताना दिसत आहे तर त्याच प्लॅटफॉर्मवर चालणाऱ्या इतर प्रवाशांना हे दृश्य पाहावत नव्हते.
व्हिडिओमध्ये नंतर मेट्रो स्टेशनचे नाव आणि इतर प्रवासी, काही वृद्ध या कृत्याचा निषेध करत असल्याचे ऐकू येत आहे.
अनेक सोशल मीडिया वापरकर्ते असा युक्तिवाद करतात की,”अशा प्रकारचे क्षणांचे निरुपद्रवी आहेत आणि सार्वजनिक प्रदर्शन करून त्याचा निषेध केला जाऊ नये, तर इतरांचा असा विश्वास आहे की, असे क्षण खाजगी राहिले पाहिजेत.”
हेही वाचा –भारतातील सर्वात श्रीमंत गाव आहे महाराष्ट्रात! ‘या’ गावातील शेतकरी आहेत कोट्याधीश अन् लक्षाधीश
“ते त्यांचे प्रेम व्यक्त करत आहेत. मला कोणतीही अश्लीलता आढळली नाही,” एका वापरकर्त्याने म्हटले, तर दुसऱ्याने जोडले, “ते कोणताही गुन्हा करत नाहीत. यात गैर काय आहे, इतर लोकांनी स्वत: काय करत आहात त्याकडे लक्ष द्या.”
“सार्वजनिक ठिकाणी लघवी करण्यास परवानगी आहे, परंतु किस घेण्याला नाही? जेव्हा छळ आणि लाचखोरीच्या कृत्यांकडे दुर्लक्ष केले जाऊ शकते, तेव्हा हे का होऊ शकत नाही?” वापरकर्त्यांपैकी एक म्हणाला.
वापरकर्त्यांपैकी एक म्हणाला, “ते कदाचित प्रेमात असतील, परंतु सार्वजनिक ठिकाणी अशा वर्तनाची गरज नाही.” दुसऱ्या वापरकर्त्याने म्हटले, “आम्ही सार्वजनिक ठिकाणी सभ्यता राखली पाहिजे, कारण तेथे मुले असलेली कुटुंबे असू शकतात.”
हेही वाचा – जगातील सर्वात महागडा दात कोणाचा आहे माहित्येय का? एका दाताची किंमत आहे….
इंडिया टुडेशी बोलताना दररोज मेट्रोचे प्रवासी, म्हणाले, “हे त्यांच्या मानवी हक्कांमध्ये येते. उलट, मी म्हणेन की ज्या व्यक्तीने त्यांच्या परवानगीशिवाय गुप्तपणे व्हिडिओ बनवला आणि सोशल मीडियावर पसरवला त्याने गुन्हा केला आहे. कोणत्याही व्यक्तीचे खाजगी क्षण त्यांच्या संमतीशिवाय अशाप्रकारे व्हिडिओ शुट करू नयेत.”
दुसरीकडे, एकाने ज्येष्ठ नागरिकाने असहमती दर्शवत सांगितले की, “माझ्या प्रिय व्यक्तीचे चुंबन घेणे हा एक अतिशय खाजगी क्षण आहे. असे क्षण सार्वजनिक करणे योग्य नाही. हे न्याय्य नाही.”
विशेष सरकारी वकील बिवास चॅटर्जी यांनी इंडिया टुडेला सांगितले की, “भारतीय कायद्यातील अश्लीलतेचा अर्थ विकसित होत आहे. “जर एखादी गोष्ट समकालीन समाजाने स्वीकारली तर ती यापुढे अश्लील मानली जात नाही.”
“अश्लीलतेची व्याख्या पूर्णपणे बदलली आहे. आता, समकालीन समाजाने कशालाही परवानगी दिली असेल, तर ती अश्लील नाही. त्या आधारावर, सार्वजनिक ठिकाणी चुंबन घेणे हा नेहमीच कठोर अर्थाने फौजदारी गुन्हा म्हणता येणार नाही,” असे चटर्जी म्हणाले.
क्रिमिनल ॲडव्होकेट सलीम रहमान यांनी पुढे सांगितले की, “किसचे विविध प्रकार आहेत. जर हा प्रेम आणि आपुलकीचा हावभाव असेल तर तो फौजदारी गुन्हा नाही. पण जर ते असभ्य दिसले तर तक्रारी दाखल केल्या जाऊ शकतात.”
उल्लेखनीय म्हणजे, कोलकाता मेट्रो रेल्वे प्राधिकरणाने पुष्टी केली की त्यांना या घटनेबद्दल कोणतीही तक्रार प्राप्त झाली नाही.
