Crow walking like fashion model : इंटरनेटवरील प्राण्यांचे आणि पक्ष्यांचे अनेक व्हिडिओ लोकांना हैराण करत आहेत. एका व्हिडिओत शाळेच्या बसमध्ये भलामोठा अजगर आढळल्याचे दिसून आले. अंगावर थरकाप आणेल असे त्याचे रूप होते, तर एका व्हिडिमध्ये एक मादी श्वान मांजरीच्या लहान मुलांची काळजी घेताना दिसून आली. हा व्हिडिओ पाहून अनेक जण भावूक झाले. तर आता पोट धरून हसवेल अशा एका कावळ्याचा व्हिडिओ व्हायरल झाला आहे.
यामध्ये कवळा स्टाइलमध्ये चालताना दिसून येत आहे. एका फॅशन शोमधील मॉडेल जशी वॉक करते त्याचप्रमाणे हा कावळा वॉक करतो आणि नंतर एका ठिकणी थांबून अवतीभोवती एक नजर मारतो आणि उडून जातो. फॅशन शोमधील मॉडेलप्रमाणेच त्याची चाल वाटते. @Gabriele_Corno या ट्विटर युजरने हा मजेदार व्हिडिओ शेअर केला आहे.
कावळा फॅशन शोच्या लायकीचा
हा व्हिडिओ नवीन नसून तो अनेकदा इंटरनेटवर झळकला आहे. मात्र, व्हिडिओतील कावळ्याने नेहमीच लोकांना चकित केले आहे आणि हसवले देखील आहे. गॅब्रिएल कोर्नो यांनी पोस्टला कॅप्शन देखील दिले आहे. यामध्ये त्यांनी कावळ्याचे कौतुक करत, तो प्रतिष्ठित फॅशन शोच्या लायकीचा असल्याचे म्हटले आहे.
व्हिडिओला १५ ऑक्टोबर रोजी ट्विटरवर अपलोड करण्यात आले होते. या व्हिडिओला जवळपास ८.६ लाख व्ह्यूज मिळाले आहेत आणि ३८ हजार लाइक्स मिळाले आहेत. नेटकऱ्यांना हा व्हिडिओ खूप आवडला आहे. जबरदस्त कॅट वॉल्क, असे म्हणत एका युजरने कावळ्याचे कौतुक केले आहे, तर एकाला कावळ्याची कॅट वॉक नृत्य वाटले आहे.
