Viral Video : सध्या लग्नसराईला सुरूवात झाली आहे. खरेदीसाठी लोक बाजारपेठांमध्ये गर्दी करत आहे. लग्न हा प्रत्येकाच्या आयुष्यातील एक महत्त्वाचा टप्पा असतो. लग्नासाठी कपडे, डेकोरेशन, जेवणाचा मेन्यू इथंपासून तर हळद, मेहेंदी आणि संगीत कार्यक्रमापर्यंत, जोरदार तयारी केली जाते. एवढंच काय तर नवरदेव नवरीने मंडपात एन्ट्री कशी करायची, यासाठी सुद्धा हटके प्लॅनिंग केली जाते. तुम्ही नवरदेव नवरीच्या एन्ट्रीचे अनेक व्हिडीओ सोशल मीडियावर पाहिले असेल (video of granddaughter fulfills the grandfathers wish the bride’s entry while driving the bullock cart Watch viral video)
सध्या असाच एक व्हिडीओ व्हायरल होत आहे. या व्हिडीओमध्ये तुम्हाला दिसेल की नवरीने चक्क बैलगाडी चालवत लग्नात एन्ट्री केली आहे. हा व्हिडीओ पाहून तुम्हीही थक्क व्हाल. सध्या हा व्हिडीओ तुफान व्हायरल होत आहे.
नातीने पूर्ण केली आजोबांची इच्छा, भर मांडवात बैलगाडी चालवत नवरीची एन्ट्री ( Bride’s Entry)
हा व्हायरल व्हिडीओ एका लग्नसमारंभातील आहे. या व्हिडीओमध्ये तुम्हाला दिसेल की नवरी चक्क बैलगाडी चालवत मांडवात एन्ट्री करते. मराठमोळ्या नवरीचा हा व्हिडीओ पाहून तुम्हीही थक्क व्हाल. नवरीची अशी एन्ट्री पाहून सर्व जण थक्क झाले आहेत.
विशेष म्हणजे नवरीने आजोबांची इच्छा पूर्ण करण्यासाठी अशी एन्ट्री केली आहे. बैलावर ताबा ठेवण्यासाठी आजोबा बैलगाडीबरोबर पायी चालताना दिसत आहे. बैलगाडी चालवताना ही नवरी अतिशय सुंदर दिसत आहे. या व्हिडीओवर लिहिलेय, “आजोबांची इच्छा होती नातीची एंट्री बैलगाडी मधूनच झाली पाहिजे.”
पाहा व्हायरल व्हिडीओ (Watch Viral Video)
marathi_weddingz या इन्स्टाग्राम अकाउंटवरून हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, “आजोबांची इच्छा”
या व्हिडीओवर अनेक युजर्सनी प्रतिक्रिया दिल्या आहेत. एका युजरने लिहिलेय, “एक नंबर शेतकरी संस्कृती जय महाराष्ट्र” काही युजर्सनी कमेंट्समध्ये कौतुकाचा वर्षाव केला आहे.
