Viral Video : आजोबा आणि नातवाचं नातं हे जगावेगळे असतं. या नात्यात प्रेम, काळजी, जिव्हाळा, आपुलकी, स्नेह, प्रेम, स्नेह दिसून येते. असं म्हणतात आजोबा हा नातवाचा पहिला मित्र असतो. या नात्यात आदर असतोच पण त्यांची मैत्री सुद्धा खूप स्पेशल असते. आजोबा नातवंडाबरोबर छोट्या छोट्या गोष्टींचा आनंद घेताना दिसतात. नातवंडाना प्रोत्साहन देतात, सहकार्य करतात आणि मदत करतात. सध्या असाच एक व्हिडीओ व्हायरल होत आहे या व्हिडीओमध्ये आजोबा पेपर दरम्यान नातवाला कॉपी पुरवताना दिसत आहे. हा व्हिडीओ पाहून तुम्हीही अवाक् व्हाल. (video of grandpa is provide copy to his grand child during exam video goes viral)
या व्हायरल व्हिडीओमध्ये तुम्हाला एक शाळेची इमारत दिसेल. या इमारतीच्या दुसऱ्या मजलीवर एका खिडकीत एक चिमुकला उभा आहे आणि या इमारतीच्या खाली काही लोक उभे आहेत. तेव्हा तुम्हाला एक वृद्ध व्यक्ती मोठ्या काठीने नातवाला कॉपी पुरवताना दिसत आहे. काठीला पेपर गुंडाळून ती काठी खिडकीजवळ नेताना दिसत आहे. त्यानंतर खिडकीत उभा असलेला चिमुकला काठीवरील कागद उचलताना दिसतो अशा प्रकारे आजोबा नातवला कॉपी पुरवताना दिसतात. हा व्हिडीओ पाहून कोणीही अवाक् होईल. सध्या हा व्हिडीओ व्हायरल तुफान होत आहे. व्हिडीओवर लिहिलेय, “जुगाड पाहून मी नि:शब्द झालो. बोर्डाच्या पेपर दरम्यान नातूला कॉपी पुरवताना कर्तव्यदक्ष आजोबा”
पाहा व्हायरल व्हिडीओ
old_is_gold.._ या इन्स्टाग्राम अकाउंटवरून हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, “नातु आणि आजोबा यांचं नातं” या व्हिडीओवर अनेक युजर्सनी प्रतिक्रिया दिल्या आहेत. एका युजरने लिहिलेय, “आजोबा तरुण वयात खूप तरुण असतील” तर एका युजरने लिहिलेय, “कुठे नेऊन ठेवला महाराष्ट्र आमचा काय उजेड पाडणार असे करून” आणखी एका युजरने लिहिलेय, “हुशार करतात अजून पोरांना” एक युजर लिहितो, “त्याच लाकडांनी हाणून अभ्यास करायला लावला असता तर..”
यापूर्वी पेपरमध्ये कॉपी करणाऱ्या विद्यार्थ्यांचे अनेक व्हिडीओ व्हायरल झाले आहेत.
