Video : माणुसकी जपणारं शहर म्हणजे कोल्हापूर! खायला काकडी मागितली अन् आज्जी स्वत:चा डब्बा देते म्हणाली; व्हिडीओ एकदा पाहाच

या व्हायरल व्हिडीओमध्ये तुम्हाला एक तरुण काकडी विक्रेता आज्जीबरोबर संवाद साधताना दिसतो.

तरुण – आई ऐक की.. येताना माझं पाकीट पडलं. मित्रांना बोलावलं फोन करून पण तो येईना झाला. भूक लागली.. दोन काकडी दे ना खायला मला

आज्जीबाई – (काकड्या त्या तरुणाच्या हातात देऊन ) बास का?

तरुण – बास

आज्जीबाई – आलास तर उद्या पण ये मी हाय उद्या पण इथं

तरुण – मित्राला फोन केला पण मित्रच येईना झाला

आज्जीबाई – अशा वेळी कुणावर विश्वास ठेवायचा नाही

तरुण – कधी यायचा तोपर्यंत इथे थांबून पण काय करू ..भूक लागली आहे

आज्जीबाई – कापून देऊ की खायला आणलेला डबा देऊ

तरुण – काय

आज्जीबाई – डबा आणलेला खायला देऊ का?

तरुण – नको नको… तुम्ही काय खाणार मग

आज्जीबाई – आम्ही काय तर बघतो खायला आम्ही काय एक वेळ उपाशी राहू शकतो

तरुण – नको नको.. बोललास आहास भरपूर मोठ झालं झालं. कोल्हापूर आपल्या माणसाच मन काय आहे, किती मोठं आहे.. हे आपण व्हिडीओ करून दाखवतो सगळ्या जगाला… हे बघ तिथं कॅमेरा लावला आहे. येऊ आई…

आज्जीबाई – काकड्या घे की

तरुण – पैसे देऊन घेतो

आज्जीबाई भरपूर काकड्या त्या तरुणाच्या हातात देते

तरुण – एवढं कुठे चारच दे की…

शेवटी तरुण काकडी विकत घेऊन आजीचा निरोप घेतो.

सध्या हा व्हिडीओ चांगलाच व्हायरल होत आहे. आज्जीबाईने दाखवलेली ही माणुसकी पाहून कोणीही थक्क होईल.

पाहा व्हायरल व्हिडीओ (Watch Viral video

kolhapuri_pranks या इन्स्टाग्राम अकाउंटवरून हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, “कोल्हापुरी माणुसकी” या व्हिडीओवर अनेक युजर्सनी प्रतिक्रिया दिल्या आहेत. एका युजरने लिहिलेय, “आम्ही एक वेळ उपाशी राहू शकतो, असं म्हणणारी शेवटची पिढी ..” तर एक युजर लिहितो, “हीच पिढी खूप निष्पाप आणि नि:स्वार्थ होती. आता अशी माणसं भेटणं खूप अवघड आहे” आणखी एका युजरने लिहिलेय, “गर्व आहे मी कोल्हापूरकर असल्याचा, आवडला भावा” अनेक युजर्सनी कोल्हापुरच्या माणुसकीचं कौतुक केलं आहे