‘लष्कर वाईट माणसांशी लढण्यासाठी’, शहीद अधिकाऱ्याच्या चिमुरडीचा व्हिडीओ सोशल मीडियावर व्हायरल

या व्हिडीओत नैना आपल्या वडिलांशी झालेलं बोलणं आठवत सांगत आहे की, ‘लष्कर आपल्यावर प्रेम करण्यासाठी आहे. लष्कर वाईट माणसांशी लढण्यासाठी आहे. लष्कर आपल्याला घाबरवण्यासाठी नाही तर मदत करण्यासाठी आहे’. मेघना गिरीश यांनी हा व्हिडीओ शेअर करताच सोशल मीडियावर व्हायरल झाला आहे. हा व्हिडीओ ट्विटरवर अनेकांनी रिट्विट केला असून यासोबत भावनात्मक पोस्टही लिहित आहेत.

२०१६ मध्ये तीन ते चार दहशतवाद्यांनी पोलिसांच्या गणवेशात लष्कराच्या नगरौटा येथील कॅम्पवर हल्ला केला होता. या हल्ल्यात दोन आर्मी मेजरसहित सात जवान शहीद झाले होते. याच हल्ल्यात नैनाचे वडील मेजर अक्षय गिरीश शहीद झाले होते.