Pune Video : कष्टाची खरी ओळख हीच! पुण्यातील आज्जी चालवते रिक्षा, आत्मसन्मान आणि उदरनिर्वाहासाठीचा संघर्ष दाखवणारा व्हिडीओ एकदा पाहाच

Pune Video : सोशल मीडियावर पुण्यातील अनेक व्हिडीओ व्हायरल होत असतात. काही व्हिडीओ मजेशीर असतात तर काही व्हिडीओ थक्क करणारे असतात. सध्या असाच एक व्हिडीओ समोर आला आहे. या व्हिडीओमध्ये तुम्हाला एक आज्जीबाई चक्क ऑटोरिक्षा चालवताना दिसत आहे. हा व्हिडीओ सध्या चांगलाच व्हायरल होत आहे.
आपल्या आजुबाजूला असे अनेक लोक असतात जे आपल्याला जगण्याची प्रेरणा देतात, नवीन काहीतरी शिकवतात. या व्हायरल व्हिडीओमध्ये तुम्हाला आज्जी बाई दिसेल. ही आज्जीबाई पाहून तुम्हीही थक्क व्हाल. ती म्हातारापणात पोटा पाण्यासाठी रिक्षा चालवताना दिसत आहे. तरुणांनाही लाजवेल अशी ऊर्जा या आजीबाईमध्ये दिसत आहे.
या व्हायरल व्हिडीओमध्ये तुम्हाला दिसेल की एका ऑटोरिक्षेत बसलेल्या प्रवाशाने त्याच्या जवळून जाणाऱ्या जाणाऱ्या रिक्षेतील अतिशय सुंदर दृश्य त्याच्या कॅमेऱ्यात टिपले. त्याला एक आज्जीबाई रिक्षा चालवताना दिसली. त्याने हे कॅमेऱ्यात कैद केले. व्हिडीओत तुम्हाला साडी नेसलेली आज्जीबाई दिसेल. जेव्हा तिला कॅमेरा दिसतो तेव्हा ती स्माइल देते आणि विनम्रपणे हात दाखवते आणि पुढे निघून जाते. हा व्हिडीओ पाहून कोणालाही जगण्याची प्रेरणा मिळेल. या पुणेकर आज्जीवर सध्या कौतुकाचा वर्षाव होत आहे.