Viral video on social media: सोशल मीडियावर एक व्हिडिओ मोठ्या प्रमाणात व्हायरल होत आहे. या व्हिडिओमध्ये कपड्यांशिवाय एक वृद्ध दिसत आहे. प्रथमदर्शनी असे दिसते की हे आजोबा अतिशय गरीब आहेत. मात्र, या वृद्धाला त्याच्या मालमत्तेबाबत विचारणा केली असता सर्वांनाच आश्चर्याचा धक्का बसला. इंटरनेटवर वृद्ध व्यक्तीच्या संपत्तीची माहिती ऐकून लोकांना धक्का बसला. सध्या लोक हा व्हिडीओ खूप शेअर करत आहेत आणि म्हणत आहेत की काश आमच्याकडेही इतके पैसे आणि इतका साधेपणा असता. इतर सामान्य माणसांप्रमाणे सामान्य जीवन जगणाऱ्या या वृद्धाला एक व्यक्ती विचारतो की, त्याच्याकडे किती मालमत्ता आहे. यानंतर आजोबा सांगतात की, त्याचे अनेक मोठ्या कंपन्यांमध्ये करोडो रुपयांचे शेअर्स आहेत, जे ऐकून त्या व्यक्तीला धक्काच बसतो. आजोबा सांगतात की त्यांच्याकडे लार्सन अँड टुब्रो (L&T) चे सुमारे ८० कोटी रुपयांचे शेअर्स आहेत. अल्ट्राटेकचे २१ कोटींचे शेअर्स आणि कर्नाटक बँकेचे एक कोटी शेअर्स आहेत. एवढे असूनही हे आजोबा साधे जीवन जगत आहेत. तुम्हीच पाहा व्हिडीओ अनेक तज्ञांनी प्रतिक्रिया दिल्या हा व्हिडिओ आतापर्यंत लाखो लोकांनी पाहिला असून तो मोठ्या प्रमाणात शेअर केला जात आहे. व्हायरल व्हिडीओवर बाजारातील अनेक तज्ञांच्या प्रतिक्रिया देखील आल्या आहेत. या व्हिडिओवर भाष्य करताना, कॅपिटल माइंडचे सीईओ आणि संस्थापक दीपक शेनॉय म्हणाले की, वृद्ध व्यक्तीकडे असलेल्या २७ हजार एल अँड टी शेअर्सचे खरे मूल्य सुमारे ८ कोटी रुपये आहे, तर अल्ट्राटेक शेअर्सचे मूल्य ३ कोटी रुपये आहे. कर्नाटक बँक रु. १० लाख आहे. ही देखील चांगली रक्कम असल्याचे शेणॉय यांनी सांगितले. हेही वाचा >> फ्रेंच फ्राईज का दिले नाहीत? तक्रार करताच हॉटेल कर्मचाऱ्याने अख्ख्या कुटुंबावर केला गोळीबार, धक्कादायक घटनेचा VIDEO व्हायरल आजोबांच्या या व्हिडिओवर लोक जोरदार कमेंट करत आहेत. हे आजोबा दरवर्षी किती लाख रुपये कमावत असतील याचा अंदाज प्रत्येकजण आपापल्या परीने बांधत आहे. त्याचवेळी, काही लोक असेही म्हणत आहेत की एवढ्या पैशाचा उपयोग काय, जेव्हा तो नीट वापरायचा नाही.
