video of tea seller running on a railway platform to serve tea : तुम्ही अनेकदा रेल्वेतून प्रवास केला असेल. या रेल्वेमध्ये अनेक विक्रेते त्यांचे छोटे छोटे व्यवसाय करत असतात. अगदी चहा, वडापाव, चिक्की आदी अनेक पदार्थ ट्रेनमध्ये विकताना दिसतात. पण, अनेकदा असं होतं की, काही व्यापारी हे ट्रेनच्या खिडक्यांतून बिस्किटचे पुडे, तर चहा विकताना दिसतात. त्यामुळे कधी कधी प्रवासी ऑर्डर देतात आणि तेव्हाच नेमकी ट्रेन सुटण्याची वेळ येते. मग अशावेळी ग्राहक व प्रवासी दोघांमध्येही तारांबळ उडते. तर आज सोशल मीडियावर असाच एक व्हिडीओ व्हायरल होत आहे ; यामध्ये चहा विक्रेत्याची त्याच्या ग्राहकांप्रती असलेली अतूट बांधिलकी पाहायला मिळाली आहे.
व्हायरल व्हिडीओ (video) रेल्वे स्थानकाचा आहे. एक विक्रेता रेल्वे स्थानकावर उभं राहून चहा विकत आहे. त्याने चहाचा डबा (कंटेनर) ट्रेनच्या खिडकीवर लटकवला आहे. ट्रेनमध्ये बसलेला प्रवासी चहाची ऑर्डर देतो. पण, तितक्यात ट्रेन सुटण्याची वेळ होते. यादरम्यान प्रवाशाला चहा सुद्धा द्यायची असते. तर यासाठी चहा विक्रेता ट्रेनच्या बाजूने पळताना दिसत आहे. कागदाचे कप हातात घेऊन, ट्रेनला लटकवलेल्या चहाच्या डब्यातून (कंटेनर) तो चहा ओतून खिडकीद्वारे प्रवाशाला देतो आणि वेळीच खिडकीला लटकावून ठेवलेला चहाचा डब्बा (कंटेनर) काढून घेतो. एकदा पाहाच हा व्हायरल व्हिडीओ…
व्हिडीओ नक्की बघा…
आयुष्य सर्वांसाठी सारखे नसते :
व्हायरल व्हिडीओत (video) तुम्ही पाहिलं असेल की, चहा विक्रेता रेल्वे स्थानकावर ट्रेनच्या स्पिडप्रमाणे धावताना दिसत आहे. हातात कागदाचे कप तर ट्रेनच्या खिडकीवर चहाचं कंटेनर लटकवलेलं दिसत आहे. मग कपात चहा टाकण्यासाठी तो कंटेनर उघडतो. तो लवकरच आत बसलेल्या प्रवाशाला चायचा कप देतो आणि ट्रेनचा वेग वाढण्यापूर्वी कंटेनर पुन्हा स्वतःकडे परत घेतो. ट्रेन आधीच स्टेशनच्या आवारातून निघायला सुरुवात झाली असतानाही ग्राहकाला चहा देणारा आणि ग्राहकाचे सुट्टे पैसे प्रामाणीकपणे परत देणाऱ्या विक्रेत्याचे कौतुक करावं तेवढं कमी आहे.
सोशल मीडियावर हा व्हिडीओ @abdul__hakeeb313 या इन्स्टाग्राम अकाउंटवरून शेअर करण्यात आला आहे. “आयुष्य सर्वांसाठी सारखे नसते” ; अशी कॅप्शन या व्हिडीओला देण्यात आली आहे. हा व्हिडीओ पाहून नेटकरी त्या व्यक्तीसं ‘कष्टकरी वडिल म्हणत आहेत’ तर एक युजर म्हणतोय की, ‘उदरनिर्वाह करणाऱ्या वडिलांचा आदर करा” अशी कॅप्शन व्हिडीओला देण्यात आली आहे. व्यतीचे व्यवसायाबद्दलचे समर्पण पाहून अनेक नेटकरी प्रभावित झाले आहेत ; आदी अनेक कमेंट नेटकऱ्यांनी केल्या आहेत.
