वंदे भारत एक्स्प्रेसमध्ये चढताना अचानक बंद झाला दरवाजा, रेल्वे अधिकारी खाली पडला अन्…, थरारक Video व्हायरल

या अपघातामध्ये रेल्वे अधिकारी अभिनाश हा सुदैवाने ट्रेनखाली जाण्यापासून थोडक्यात बचावला आहे. या थरारक अपघाताचा व्हिडिओ एका व्यक्तीने मोबाईल कॅमेऱ्यात शूट केला होता, जो सध्या मोठ्या प्रमाणात व्हायरल होत आहे. व्हिडीओ व्हायरल होताच नेटकरी त्यावर वेगवेगळ्या प्रतिक्रिया देत आहेत. एका वापरकर्त्याने लिहिलं, “सीपीआय मृत्यूच्या दारातून परत आला आहे.”

हेही वाचा- “तू सिंगल आहेस म्हणून…” सुट्टीदिवशी बॉसने कामावर यायला सांगितलं, कर्मचाऱ्याने घेतला टोकाचा निर्णय, दोघांमधील चॅट Viral

हा व्हिडिओ २६ जून रोजी अहमदाबादहून मुंबईला जाणाऱ्या वंदे भारत एक्स्प्रेसचा आहे. अहमदाबाद रेल्वे स्थानकातून ही एक्सप्रेस सुटली होती, यावेळी ट्रेनचा दरवाजा बंद झाला होता. दरम्यान, यावेळी सीपीआय अभिनाशने ट्रेनमध्ये चढण्याचा प्रयत्न केला. मात्र तोल गेल्याने तो प्लॅटफॉर्मवर पडला. रेल्वे अधिकारी प्लॅटफॉर्मवर पडल्याची संपूर्ण घटना कॅमेऱ्यात कैद झाली आहे.

व्हिडिओमध्ये रेल्वे अधिकारी रेल्वे स्टेशनवर ट्रेनबरोबर चालताना दिसत आहे. यावेळी तो लोको पायलटची खिडकीही ठोठावतो आणि ट्रेनमध्ये चढण्याचा प्रयत्न करतो, याचवेळी तोल गेल्याने तो खाली पडतो. मात्र, त्याच्या शेजारी उभे असलेले लोक अधिकाऱ्याच्या मदतीसाठी धावून जातात आणि त्याला रेल्वेखाली जाण्यापासून वाचवतात.

हेही वाचा- “घरी मी एकटाच…” मदत मागणाऱ्या मुलीला पोलिसाने मध्यरात्री बोलावलं घरी, तिने नकार देताच…, दोघांमधील व्हॉट्सअ‍ॅप चॅट Viral

ट्रेनचा दरवाजा आपोआप बंद –

वंदे भारत एक्स्प्रेसचे दरवाजा आपोआप बंद झाला, यावेळी ट्रेन निघाल्याचं पाहताच रेल्वे अधिकारी घाईघाईत ट्रेनमध्ये चढण्याचा प्रयत्न करतो आणि तो खाली पडतो. सध्या या अपघाताचा व्हिडिओ सोशल मीडियावर चांगलाच व्हायरल होत असून तो पाहिल्यानंतर अनेकांना आश्चर्याचा धक्का बसला आहे. तर व्हिडीओ पाहून नेटकरी त्यावर कमेंट करत आहेत. एकाने लिहिलं “त्याचे नशीब चांगले होते.” तर दुसऱ्याने “जाको राखे साइयां, मार सके न कोय.” अशी कमेंट केली आहे.