रस्त्यावरून धावणाऱ्या कारमध्ये उभी राहून नाचतेय तरुणी; Video Viral पाहून नेटकऱ्यांमध्ये पेटला वाद

व्हिडीओला ‘जस्ट दिल्ली थिंग्ज’, असे कॅप्शन दिलेले आहे. व्हायरल व्हिडीओमध्ये पाहू शकता की, कशा प्रकारे कन्व्हर्टिबल कारमध्ये एक तरुणी उभी आहे. बिनधास्तपणे नाचताना दिसत आहे. आश्चर्याची गोष्ट म्हणजे ही कार रस्त्यावरून धावत आहे. जीवाची पर्वा न करता ही तरुणी कारमध्ये उभी राहून नाचताना दिसत आहे.

हेही वाचा – दाट धुक्यामध्ये जीव मुठीत घेऊन लोको पायलटने चालवली ट्रेन: अंगावर काटा आणणारा Video Viral

तरुणीच्या डान्सचा व्हिडीओ सोशल मीडियावर त्वरीत व्हायरल झाला. व्हिडीओवर नेटकऱ्यांच्या समिश्र प्रतिक्रिया मिळाल्या आहे. कोणाला हा व्हिडीओ मनोरंजक वाटाला, कोणाला आश्चर्यकारक वाटला. त्यामुळे काहींनी महिलेच्या डान्सचे कौतूक केले तर काहींनी तिच्यावर टिका केली. काहींनी तरुणी आनंदी आहे तिचा आनंद साजरा करत आहे असा युक्तीवाद केला तर काहींनी असा युक्तिवाद केला की, अशा कृतींमुळे सार्वजनिक सभ्यता आणि सुरक्षिततेबद्दल प्रश्न निर्माण होतात.

सार्वजनिक ठिकाणी असे नृत्य करणे योग्य आहे की नाही हा वादाचा मुळ मुद्दा आहे. विशेषत: चालत्या वाहनात नृत्य करण्याचे संभाव्य धोके लक्षात घेऊन ही टिका केली जात आहे. व्हिडिओ प्रसारित होत असताना, इंस्टाग्रामवरील वापरकर्त्यांनी आपली निराशा व्यक्त केली. एकाने कमेंट केली की, “किमान कोणीतरी स्वत:च्या आयुष्यात आनंदी आहे.” दुसऱ्याने लिहिले, “जेव्हा तिला क्लबमध्ये श्रीमंत मुलगा सापडतो.”

हेही वाचा – “अमानवी कृत्य!” कुत्र्याच्या पिल्लाला पाजली व्हिस्की; धक्कादायक घटनेचा Video Viral

आणखी एकाने लिहिले की,” ती फक्त आनंद घेत आहे आणि गाण्यावर वाईब करत आहे!!तुम्ही इतके जजमेंटल का आहात? जर तुम्ही तुमच्या आयुष्यात समाधानी नसाल तर तुम्ही ती मुलगी असो वा मुलगा तिच्याकडे बोट दाखवाल. खरंच, मोठे व्हा!! आनंदी राहणे ही एक निवड आहे आणि ती तशीच राहू द्या.

दुसऱ्याने म्हटले, “ती फक्त आनंद घेत आहे, मित्रा. काय चूक आहे, स्वत: जगा आणि इतरांना जगू द्या.”