वाह! WWE सुपरस्टार ‘जॉन सिना’ गातोय शाहरुख खानचे ‘हे’ गाणे! व्हिडीओ पाहून नेटकरी म्हणतात, “खूपच विचित्र…”

इन्स्टाग्राम या सोशल मीडियावर @teamshahrukhkhan या अकाउंटद्वारे एक व्हिडीओ शेअर केला गेला आहे. त्यामध्ये जॉन सीना चक्क बॉलीवूड सिनेमामधील एक हिंदी गाणे गाण्याच प्रयत्न करीत आहे, असे आपल्याला दिसते. तो कोणते गाणे गात आहे ते पाहू. व्हिडीओमध्ये गुरव सिहरा [gurvsihra] हा भारतीय रेसलर जॉन सीनाला बॉलीवूड सुपरस्टार शाहरुख खानचे ‘भोली सी सुरत’ हे गाणे गायला शिकवत आहे. त्याप्रमाणे गुरवच्या मागोमाग जॉन सीनाने या गाण्याच्या चार ओळी गायल्या आहेत.

हेही वाचा : अरे डोळे दुखले रे! पॉर्नस्टार Johnny Sins रणवीर सिंगबरोबर मालिकेत करतोय काम; मिम्स पाहून व्हाल हैराण

त्यामध्ये जॉन सीनाने अगदी स्पष्ट आणि न अडखळता हे गाणे म्हटले आहे. हा व्हिडीओ सोशल मीडियावर शेअर होताच शाहरुख खान आणि जॉन सीना या दोघांच्याही चाहत्यांनी हा व्हिडीओ चांगलाच डोक्यावर घेतला आहे. त्यांच्या काही प्रतिक्रिया पाहू.

“जर जॉन सीना आणि शाहरुख खानने सिनेमात एकत्र काम केले तर,” असे एकाने लिहिले आहे. दुसऱ्याने, “जॉन सीना हिंदी गाणे किती सुंदर गात आहे,” असे म्हटले आहे. जॉन सीनाच्या प्रसिद्ध ‘you can’t see me’ या वाक्यावरून तिसऱ्याने, “खूपच विचित्र व्हिडीओ आहे.. कुणीतरी व्हिडीओमध्ये काहीतरी बोलत असल्याचा आवाज येत आहे; मात्र दिसत कुणीच नाहीये…” अशी मिश्कील प्रतिक्रिया लिहिली आहे. चौथ्याने, “वाह! एकदम भन्नाट व्हिडीओ”, असे लिहिले आहे.

जॉन सीना, भोली सी सुरत गाणे गातानाचा व्हिडीओ :

WWE ही एक अमेरिकन रेसलिंग कंपनी आहे. व्हायरल होणारा हा व्हिडीओ मूलतः गुरव सिहरा [@gurvsihra] या भारतीय रेसलरने त्याच्या सोशल मीडियावर शेअर केला. नंतर @teamshahrukhkhan या अकाउंटने तो पुन्हा त्यांच्या पेजवरून शेअर करण्यात आला आहे. या व्हिडीओला आतापर्यंत ३१.८K इतके व्ह्युज मिळाले आहेत.