Viral Video: नव्याने बनलेल्या नात्यात सुरुवातीला खुप पझेसिव्हनेस असतो. खरं सांगायचं तर मुलांपेक्षा जास्त मुलींचा हा स्वभाव असतो. पण ,म्हणतात, जसं वयासह नातंही वाढत जातं तसं त्यातील प्रेम व विश्वास मुरत जातो. सध्या व्हायरल होणाऱ्या व्हिडिओमध्ये तुम्हाला हेच प्रेम व हाच विश्वास पाहायला मिळेल. एक वयस्कर जोडप्याचा मेट्रोमधून प्रवास करतानाच व्हिडीओ सध्या चर्चेत आहे. यामध्ये एक म्युजिक बँड भर मेट्रोतच म्युजिक वाजवताना आजोबांना नाचायचा मोह आवरत नाही. पण आजोबा नाचायला जागेवरून उठताच त्यांची बायको असं काही करते की तुम्हाला गल्ली बॉय मधील आलियाचा, “मेरे बॉयफ्रेंड से गुलुगुलु करेगी तो” हा डायलॉगच आठवेल.
आपण पाहू शकता की, जसे आजोबा नाचायला उठतात तशा या आजी आपल्या अहोंचं टीशर्ट पकडून मागे खेचतात. पण आजोबांना काही केल्या नाचायचं असतंच मग थेट आपल्या बिग बॉसशी पंगा घेऊन ते नाचायला उठतात. बरं इतक्यावरच थांबत नाहीत तर समोर बसलेल्या एका तरुणीला ते आपल्यासह डान्स करण्यासाठी नम्रपणे विचारतात. ती तरुणी जशी उठून आजोबांसह नाचू लागते तसे आजींच्या चेहऱ्यावरचा हावभाव बघून तुम्हीही लोटपोट व्हाल.
बिग बॉस नाही म्हणूनही नाचू लागले आजोबा
हे ही वाचा<< Video: ‘ती’ थरथरत होती पण ‘तो’ इतका गर्विष्ठ की..विमानात प्रवासी व हवाई सुंदरीमध्ये खडाजंगी; म्हणाला, “तू नोकर..”
दरम्यान, हा व्हिडीओ व्हायरल झाल्यापासून अनेकांनी यावर लाईक्स व कमेंट्सचा वर्षाव केला आहे. प्रेम असावं तर असं असे म्हणत अनेकांनी या जोडप्याच्या हसऱ्या स्वभावचं कौतुक केलं आहे. तर काहींनी मात्र आजी नाही म्हणूनही आजोबांनी नाचायची जी हिमंत दाखवली त्याची दाद दिली आहे.
