Video Shows Little Girl First First Train Journey : तुम्ही सगळ्यात पहिला मुंबई लोकलमधून कधी प्रवास केला हे आठवणे थोडे कठीणच आहे नाही का? पण सध्या मोबाईल, कॅमेरा या सगळ्याच गोष्टींमुळे आयुष्यात केलेल्या सगळ्या पहिल्या गोष्टी कॅप्चर करता येतात. काही जण मिनी ब्लॉगद्वारे, तर अनेक जण इन्स्टाग्राम रील्सद्वारे हे क्षण सोशल मीडियावर शेअर करत असतात. आज असाच एक व्हिडीओ (Video) सोशल मीडियावर व्हायरल होतो आहे. त्यामध्ये एका आईने तिच्या चिमुकलीचा पहिला ट्रेन प्रवास रीलद्वारे दाखविला आहे.
व्हायरल व्हिडीओ (Video) मुंबई लोकलमधील आहे. चिमुकलीचे नाव शिवाज्ञा असते. शिवाज्ञा तिच्या आईबरोबर ट्रेनमधून पहिल्यांदा प्रवास करायला जाते. दरम्यान, ट्रेनमध्ये प्रचंड गर्दी असते. तेव्हा या चिमुकलीला बहुतेक तिच्या बाबा किंवा आजोबांनी उचलून घेतल्याचे दिसते आहे. जशी मोठी माणसे ट्रेनमध्ये गर्दी असल्यावर हॅण्डल पकडून उभे असतात अगदी त्याचप्रमाणे चिमुकलीही स्टीलच्या हॅण्डलला धरून आहे. चिमुकलीचा पहिला ट्रेन प्रवास व्हायरल व्हिडीओतून तुम्हीसुद्धा नक्की बघा…
व्हिडीओ नकी बघा…
व्हायरल व्हिडीओत (Video) तुम्ही पाहिले असेल की, चिमुकली पहिल्यांदा ट्रेनमधून प्रवास करते आहे, असे तिच्या आईने आवर्जून कॅप्शनमध्ये लिहिल्याचे दिसते आहे. ट्रेनमध्ये आजूबाजूला भरपूर माणसे पाहून, ती सगळ्यांकडे आश्चर्याने बघते आहे. त्याचबरोबर ते हॅण्डल पकडून अगदी मोठ्या माणसांप्रमाणे उभी आहे हे पाहून आई हा क्षण तिच्या मोबाईलमध्ये कॅप्चर करते आणि ‘अरे बापरे… ट्रेनमध्ये जागा न भेटल्याने पूर्ण प्रवास उभा राहून करावा लागला’, असा मजकूर लिहून व्हिडीओ शेअर करते.
बाई बाई बाई…!
सोशल मीडियावर व्हायरल होणारा हा व्हिडीओ (Video) @bhagyashreecookvlog आणि @shivadnya_shreeyansh_ या इन्स्टाग्राम अकाउंटवरून शेअर करण्यात आला आहे. नेटकरी व्हिडीओतील चिमुकलीचे हावभाव पाहून, “ती विचार करतेय, बाई बाई बाई…! केवढी ही गर्दी मुंबईमध्ये …!”, “ती म्हणत असेल कसले खडूस लोक आहेत छोट्या लेकराचीसुद्धा दया येत नाही यांना”, “हावभाव पाहून असे वाटतेय की, ती मनात म्हणतेय हे काय नवीन आता’ ” आदी अनेक कमेंट्स नेटकऱ्यांनी केल्या आहेत.
