Video Shows customers surprise delivery Boy with birthday celebration : पावसाळा, उन्हाळा असो किंवा हिवाळा, झोमॅटो, स्विगीचे डिलिव्हरी बॉय अगदी वेळेत आपल्यापर्यंत वस्तू, अन्न पोहचवतात. अगदी एखाद्याचा वाढदिवस असेल आणि आपण ११ वाजता जरी केक ऑर्डर केला तरीही तो १२ च्या आधी आपल्यापर्यंत पोहचवला जातो. आपल्या वाढदिवसादिवशी अगदी प्रेमाने, मेहनतीने केक आणणाऱ्या या डिलिव्हरी बॉयचा वाढदिवस साजरा करण्याची संधी तुम्हाला मिळाली तर तुम्हाला आवडेल का? हो… तर आज सोशल मीडियावर असाच एक व्हिडीओ व्हायरल होत आहे. यामध्ये ग्राहकांनी डिलिव्हरी बॉयचा वाढदिवस साजरा केला आहे. अहमदाबादच्या मुसळधार पावसात एक झोमॅटो डिलिव्हरी बॉय अन्न देण्यासाठी एका ग्राहकाच्या घरी जातो. पावसात घरोघरी डिलिव्हरी देणाऱ्या व्यक्तीचा आज वाढदिवस असतो हे ग्राहकांच्या लक्षात येते. त्यामुळे ते डिलिव्हरी बॉयला सरप्राईज देण्याचा निर्णय घेतात. त्यावेळी घरात उपस्थित एक अज्ञात व्यक्ती या खास प्रसंगाचा व्हिडीओ शूट करून घेत असते. तेव्हा डिलिव्हरी बॉय ऑर्डरसह ग्राहकाच्या घरी पोहचतो. नक्की ग्राहकांकडून डिलिव्हरी बॉयला काय सरप्राईज मिळते, व्हायरल व्हिडीओतून तुम्हीसुद्धा बघा… हेही वाचा…‘अशी ही एक ट्रिपल रायडिंग!’ तरुणांनी थेट स्कूटरवरून नेलं मगरीला; VIDEO पाहून नेटकरी म्हणाले, ‘भारतात काहीही…’ व्हिडीओ नक्की बघा… https://www.instagram.com/reel/C_G0Khzs6C9/?utm_source=ig_embed&ig_rid=f332e417-2555-47cc-a40f-31d0bc4d9f01 हॅपी बर्थडे गाणं म्हणत आनंदाने केले स्वागत : व्हायरल व्हिडीओत ( Video) तुम्ही पाहू शकता की, आकीब शेख असे या तरुणाचे नाव आहे. डिलिव्हरी बॉय ग्राहकाच्या घराबाहेर ऑर्डर घेऊन पोहचतो, तेव्हा ग्राहकाने त्याचे “हॅपी बर्थ डे” गाणं म्हणत आनंदाने स्वागत केले आणि त्याला एक छोटी भेटसुद्धा दिली आहे. हे पाहून डिलिव्हरी बॉयच्या चेहऱ्यावर हसू आले व तो अगदी मनापासून, सगळ्यांबरोबर हात मिळवून त्यांना धन्यवाद म्हणताना दिसला. सोशल मीडियावर हा व्हिडीओ (Video) या @iimyashshah इन्स्टाग्राम अकाउंटवरून शेअर करण्यात आला आहे. 'तुम्हाला जमेल त्या मार्गाने इतरांना आनंद देत राहा. आम्हाला ही संधी मिळाली आणि या संधीसाठी झोमॅटोचे आभार'; अशी कॅप्शन त्यांनी या पोस्टला दिली आहे. हे पाहून झोमॅटोच्या अधिकृत इन्स्टाग्राम अकाउंटने 'इंटरनेटवरील सगळ्यात सुंदर व्हिडीओ', अशी कमेंट केली व झोमॅटोचे सीईओ दीपंदर गोयल यांनी हार्ट इमोजी टाकून कमेंट केली आहे. तसेच डिलिव्हरी बॉय आकीब शेख यांनीदेखील लिहिलं की, “खूप खूप धन्यवाद सर, हे माझ्या आयुष्यात पहिल्यांदाच घडले आणि मला खूप छान वाटलं'"; अशी कमेंट केली आहे.
