Video: सुपरवुमन!! मॅडी ग्रीनचा 'हा' झेल एकदा बघाच, समालोचकासह प्रेक्षकही झाले आश्चर्यचकित | Video: Superwoman !! Once you see Maddie Green's 'this' catch, the audience, including the critics, are amazed

हा अप्रतिम झेल पाहिल्यानंतर समालोचकांसह प्रेक्षकही अवाक् झाले आणि टाळ्यांचा कडकडाट झाला.

व्हायरल व्हिडीओ ( फोटो: @zeehu / Twitter )

न्यूझीलंड आणि ऑस्ट्रेलिया यांच्यात आय सी सी महिला विश्वचषक २०२२ (icc women’s world cup 2022) ११ वा सामना वेलिंग्टन येथे खेळला गेला. या सामन्यात प्रथम फलंदाजी करताना कांगारू संघाने यजमान न्यूझीलंडसमोर २७० धावांचे लक्ष्य ठेवले होते. सामन्यादरम्यान न्यूझीलंड संघाची खेळाडू मॅडी ग्रीनने ऑस्ट्रेलियन फलंदाज एलिस पेरीचा सुपरमॅन सारखा कॅच पकडत सर्वांचे लक्ष वेधून घेतले. पेरी ६ चौकार आणि १ षटकाराच्या मदतीने ६८ धावा करून परतली आणि ती तिच्या संघाकडून सर्वाधिक धावा करणारी खेळाडू ठरली.

मॅडी ग्रीनने ४५ व्या षटकाच्या शेवटच्या चेंडूवर हा झेल घेतला. ताहलिया मॅकग्रा सोबत शतकी भागीदारी करणारी एलिस पेरी आक्रमक पद्धतीने फलंदाजी करताना दिसली. तिने आपले अर्धशतक पूर्ण केले होते आणि शेवटच्या षटकांमध्ये ती पॉवर हिटिंग मूडमध्ये होती. ४५ व्या षटकात, ली तैहूच्या शेवटच्या चेंडूवर, पेरीने लाँग ऑनच्या दिशेने मोठा फटका मारून धाव घेण्याचा प्रयत्न केला, स्थिरावलेली मॅडी ग्रीन तिच्या उजवीकडे धावली आणि मग हवेत शानदार उडी मारत झेल पूर्ण केला. हा अप्रतिम झेल पाहिल्यानंतर समालोचकांसह प्रेक्षकही अवाक् झाले आणि टाळ्यांचा कडकडाट झाला.

(हे ही वाचा: Pune Metro: पुणेरी आजोबानंतर आता मेट्रोमधील आईचा मजेशीर Video Viral)

That's ridiculous from Maddy Green, along with Deandra's take, two very special effortss ???? #CWC22 #NZvAUS pic.twitter.com/rNTQlyjU6h
— Zohaib Hussain (@zeehu) March 13, 2022

(हे ही वाचा: Pune Metro: पुणे मेट्रोतील दोन बायकांचा भांडणाचा मजेशीर Video Viral)

एलिस पॅरी बाद झाल्यानंतर अॅशले गार्डनरने गोल करण्याची जबाबदारी घेतली. गार्डनने १८ चेंडूत ४ चौकार आणि तब्बल ४ षटकारांच्या मदतीने नाबाद ४८ धावांची खेळी करत संघाला मोठ्या धावसंख्येपर्यंत नेले. एक वेळ अशी होती जेव्हा ऑस्ट्रेलियाने ३० व्या षटकात ११३ धावांवर ४ विकेट गमावल्या होत्या. त्यानंतर कांगारू संघ अडीचशे धावांचा टप्पा पार करू शकेल, असे वाटत नव्हते. पण पेरी, ताहलिया आणि गार्डनर यांच्या खेळीमुळे ते शक्य झाले.

First published on: 13-03-2022 at 14:37 IST

Web Title: Video superwoman onces see maddie green this catch the audience including the critics are amazed ttg

Video: सुपरवुमन!! मॅडी ग्रीनचा ‘हा’ झेल एकदा बघाच, समालोचकासह प्रेक्षकही झाले आश्चर्यचकित

हा अप्रतिम झेल पाहिल्यानंतर समालोचकांसह प्रेक्षकही अवाक् झाले आणि टाळ्यांचा कडकडाट झाला.