Video: महाराष्ट्र भूषण पुरस्काराला गालबोट; मात्र पोलिसांकडून पुन्हा एकदा माणुसकीचं दर्शन

Video viral: महाराष्ट्र भूषण पुरस्कार सोहळ्यादरम्यान पोलिसांची कर्तव्यदक्षता आणि माणुसकी समोर आली आहे.

महाराष्ट्र भूषण पुरस्काराला गालबोट; मात्र पोलिसांकडून..

नवी मुंबईतल्या खारघर येथे ज्येष्ठ निरूपणकार आप्पासाहेब धर्माधिकारी यांना महाराष्ट्र भूषण पुरस्काराने सन्मानित करण्यात आले. या पुरस्कार सोहळ्यासाठी राज्याच्या कानाकोपऱ्यातून वीस लाखांहून अधिक लोक जमल्याचे सांगण्यात येते. यांपैकी शंभरहून अधिक लोकांना उष्माघाताचा त्रास जाणवू लागल्यानंतर रुग्णालयात दाखल करण्यात आले, ज्यातील ११ लोकांचा आतापर्यंत मृत्यू झाला आहे. या वरून आज राजकारण पेटलं आहे. मात्र या कार्यक्रमादरम्यानचा एक व्हिडीओ सध्या व्हायरल होत आहे. यामध्ये पोलिसांची कर्तव्यदक्षता आणि माणुसकी समोर आली आहे.

पोलिसांकडून पुन्हा एकदा माणुसकीचे दर्शन –

इतक्या उष्ण तापमानात सामान्य अनुयायी रणरणत्या उन्हात डोक्यावर कोणतेही छप्पर नसताना तासनतास बसून राहिले. यावेळी खारघर पोलीस ठाण्याचे वरिष्ठ पोलीस अधिकाऱ्याने रणरणत्या उन्हात तहानलेल्या लोकांना पाणी वाटप केलं. एवढ्या उन्हात पोलिसांनी पाण्याचे बॅलर स्वत: खांद्यावर उचलून नेत लोकांना पाणी वाटप केलं. मानवसेवा हीच इश्वर सेवा म्हणत पोलिसांनी जमलेल्या अनुयायांना मदत केली. पाणी वाटतानाचा त्यांचा एक व्हिडिओ सोशल मीडियावर प्रचंड व्हायरल होत आहे.

आणखी वाचा

Raj Thackeray : राष्ट्रीय स्वयंसेवक संघाच्या शताब्दी वर्षानिमित्त राज ठाकरेंची खास पोस्ट; म्हणाले, “गेली ९९ वर्ष संघाने…”

१८ ऑक्टोबर पंचांग: नोकरदारांच्या कुंडलीत अच्छे दिन तर…

Ratan Tata : अशीही श्रद्धांजली! जो पुरस्कार प्रदान केला त्याला देण्यात आलं रतन टाटांचं नाव, महाराष्ट्र सरकारचा मोठा निर्णय

Maharashtra News : रतन टाटांच्या सन्मानार्थ राज्य सरकारचा मोठा निर्णय, उद्योगरत्न पुरस्काराचं नाव बदललं

Raj Thackeray : राज ठाकरेंनी सुनावले खडे बोल, “देशाला दिशा देणाऱ्या महाराष्ट्राची राजकीय भाषा इतक्या खालच्या…”

Raj Thackeray in Pune for Marathi Sahitya Parishad

Raj Thackeray in Pune : “महाराष्ट्रात असे लोक आहेत, ज्यांना जाळ्या नसलेल्या इमारतींवरून उड्या मारायला लावल्या पाहिजेत”, राज ठाकरेंचा टोला

Maharashtra debt, Maharashtra elections,

महाराष्ट्रात निवडणुका डोळ्यासमोर ठेवून योजना राबविल्या जातात, त्यामुळे राज्यावर ९ लाख कोटींचे कर्ज – जयंत पाटील

farmers create chaos in krishi awards ceremony

कृषी पुरस्कार वितरण सोहळ्यात गोंधळ; फेटे उडवून शेतकऱ्यांकडून निषेध

पाहा व्हिडीओ –

Navi mumbai -नवी मुम्बई में आयोजित महाराष्ट्र भूषण पुरस्कार कार्यक्रम में उष्मघात से 11 लोगो की मौत हो गई जबकि 25 से ज्यादा अब भी अस्पताल में भर्ती है।भीषण गर्मी और शेड न लगे होने के कारण लोगो की मौत हुई।वही खारघर पुलिस थाने के वरिष्ठ पुलिस अधिकारी खुद लोगो को पानी बांटते नजर आए pic.twitter.com/IoSNhNmvGd
— Jayprrakash Singh (@jayprakashindia) April 17, 2023

हेही वाचा – ‘महाराष्ट्र भूषण’ सोहळ्यानंतर उष्माघाताने ११ जणांचा मृत्यू; उष्माघातापासून कसा कराल स्वत:चा बचाव; जाणून घ्या

नेमकी काय घडली घटना?

नवी मुंबईतल्या खारघरमध्ये रविवारी दुपारी महाराष्ट्र भूषण पुरस्कार सोहळा पार पडला. ज्येष्ठ निरुपणकार आप्पासाहेब धर्माधिकारी यांना या पुरस्काराने सन्मानित करण्यात आलं. मात्र, या कार्यक्रमानंतर उष्माघातानं तब्बल ११ जणांचा मृत्यू झाल्यामुळे खळबळ उडाली आहे. या घटनेचे तीव्र पडसाद राज्याच्या राजकीय वर्तुळातही उमटताना दिसत आहेत. अजूनही नवी मुंबई आणि आसपासच्या रुग्णालयांमध्ये अनेकजण उपचार घेत आहेत.

अप्पासाहेब धर्माधिकारी यांच्या पुरस्कार सोहळ्यासाठी राज्यभरातून आप्पासाहेब धर्माधिकारी यांचे अनुयायी आले होते. पण, रविवारी ४२ अंश सेल्सियस तापमान असल्याने पुरस्कार सोहळ्यात आलेल्या अनेक अनुयायांना उष्माघाताची समस्या जाणवली. काहीजण चक्कर येऊन पडले, तर अनेकांना उलटी झाली. त्यामुळे अनुयायांना रुग्णालयात दाखल करण्यात आलं होतं. यातील ११ जणांचा मृत्यू झाला आहे.

First published on: 17-04-2023 at 14:04 IST

Web Title: Video viral in maharashtra bhushan award ceremony navi mumbai senior police officer shared water to people srk