Video Viral: सोशल मीडियावर दररोज काही ना काहीतरी व्हायरल होत असतं. त्यात डान्सच्या व्हिडीओंचं प्रमाण अधिक आहे. अगदी लगानग्यांपासून ते थोरा-मोठ्यांपर्यंत कित्येक जण लेटेस्ट गाण्यांवर थिरकताना दिसतात. हे व्हिडीओ व्हायरल होताच त्यांना प्रसिद्धी तर मिळतेच; पण त्यांच्या चाहत्यांची संख्याही वाढते.
इन्स्टाग्रामवर रील बनवणाऱ्या माय-लेकींचे व्हीडओ आपण अनेकदा पाहिले असतील. अशा व्हिडीओंमध्ये कधी मुलगी आपल्या आईला डान्स शिकवताना दिसते तर कधी आईला एखाद्या रीलमध्ये सहभागी करते. पण आता एका व्हायरल झालेल्या व्हिडीओमुळे तुम्ही नक्कीच गोंधळात पडाल.
सध्या एका माय-लेकीचा डान्स व्हिडीओ सध्या सोशल मीडियावर धुमाकूळ घालतोय. हा व्हिडीओ पाहताच त्यातली नक्की आई कोण आणि लेक कोण हे न समजल्याने लोक गोंधळात पडले आहेत.
व्हायरल व्हिडीओ (Viral Video)
इन्स्टाग्रामवर व्हायरल झालेल्या या आई आणि लेकीने २००३ साली प्रदर्शित झालेल्या धनुष अभिनीत ‘Thiruda Thirudi’ या चित्रपटातील ‘Manmatha Raasa’ तमीळ गाण्यावर जबरदस्त डान्स केला आहे. माय-लेकीने या रीलसाठी हिरव्या रंगाचा मॅचिंग ड्रेस परिधान केला आहे. अगदी उत्तम डान्स स्टेप्स करीत दोघी एकमेकांसह थिरकताना दिसतायत. या दोघींची एनर्जी पाहून नेटकऱ्यांचा मात्र गोंधळ झालाय. त्यातली नक्की आई कोण आणि मुलगी कोण यावरून झालेल्या गोंधळातच नेटकरी आपापल्या प्रतिक्रिया व्यक्त करताना दिसतायत.
नेटकऱ्यांच्या प्रतिक्रिया
व्हिडीओ व्हायरल होताच नेटकऱ्यांनी या व्हिडीओवर भरभरून प्रतिक्रिया दिल्या आहेत. एकाने कमेंट करीत लिहिलं, “बालविवाहाचा परिणाम.” तर एक जण म्हणाला, “आई तर मुलीपेक्षा भारी डान्स करतेय.”
एका युजरनं कमेंट करीत आईला “संतूर मम्मी”, असं म्हटलंय. तर “मुलीपेक्षा आई चांगली दिसते”, असं अनेकांचं म्हणणं आहे. “यातली नक्की आई कोण आणि मुलगी कोण”, अशीही कमेंट एका नेटकऱ्यानं या व्हिडीओवर केली आहे.
दरम्यान, ‘Adarsa & Dhanusree’ या मायलेकी सोशल मीडियावर कायम सक्रिय असतात आणि नेहमी त्या वेगवेगळ्या गाण्यांवर थिरकताना दिसतात. अनेकदा दोघी मॅचिंग कपडे घालून व्हिडीओ बनवतात म्हणूनच काहींना या दोघी जुळ्या बहिणी आहेत की काय, असंही वाटतं.
