घरातील बच्चेकंपनी खेळताखेळता काय करतील, याचा नेम नसतो. विशेष म्हणजे लहान मुलं काही ना काही करत असतात. लहान बाळांवरील नजर हटल्यावर बाळाला काही समजत नसल्याने काहीही करण्याची शक्यता असते. त्यामुळे तुमच्या घरी लहान मुलं असल्यास ही बातमी नक्की वाचणं गरजेचे आहे. कारण हल्ली धावपळीचं आयुष्य जगताना आपल्या मुलांकडे दुर्लक्ष होत असल्याने अनेक अनुचित प्रकार घडत आहेत. रस्त्यांवरील अपघातांचे प्रमाण दिवसेंदिंवस वाढत चाललं आहे. त्यामुळे रस्त्यावर चालणाऱ्यांनी आणि वाहने चालवणाऱ्यांनी दोघांनीही सतर्कता बाळगण्याची गरज आहे. नुकताच लहान मुलाच्या अपघाताचा व्हिडीओ समोर आला आहे.
काळ आला होता पण वेळ आली नव्हती…
रोज किती अपघात होतात, यामध्ये काहींचा जागेवरच मृत्यू होतो. तर काही जखमी होतात. मात्र कधी कधी म्हणतात ना काळ आला होता पण वेळ आली नव्हती…अशाप्रकारे मोठ्या भिषण अघातातूनही काहीजण वाचतात. या व्हिडीओमध्येही तुम्ही पाहू शकता एक लहान मूल खेळत असताना अचानक रस्ता ओलांडण्यासाठी पळत सुटतो. त्याचवेळी समोरून येणारे भरधाव वाहन त्याच्यावरून जाते. अपघाताचा वेग एवढा आहे की मुलगा यातून वाचणंही कठिण झालं असतं. मात्र आश्चर्याची गोष्ट म्हणजे या अपघातातून चिमुकला बचावला आहे आणि विशेष म्हणजे त्याला कुठलीही इजा झाली नाही. गाडी अंगावरून गेल्यानंतर चक्क तो उभा राहिला.
पाहा व्हिडीओ –
हेही वाचा – Video viral: कॅमेऱ्यात कैद झाला मृत्यू, नवरा बायकोची सुरू होती सर्कस, तितक्यात तिचा हात सुटला अन्…
सोशल मीडियावर हा व्हि़डीओ तुफान व्हायरल झाला असून @cctvidiots नावाच्या ट्विटर अकाऊंटवर हा व्हिडीओ शेअर करण्यात आला आहे. आतापर्यंत या व्हिडीओला २ मिलियनहून अधिक व्ह्यूज मिळाले आहेत.
