भारतीय क्रिकेट संघाचा कर्णधार रोहित शर्माने अफगाणिस्तानविरुद्धच्या सामन्यात आश्चर्यकारक कामगिरी केली. त्याने ६३ चेंडूत शतक झळकावून इतिहास रचला आणि विक्रमांची मालिका रचली. रोहितने मैदानावर आपले शतक पूर्ण करताच ड्रेसिंग रूममध्ये बसलेल्या सर्व खेळाडूंनी आणि सपोर्ट स्टाफने त्याच्यासाठी उभे राहून टाळ्या वाजविल्या आणि संपूर्ण स्टेडियम टाळ्यांच्या कडकडाटाने गुंजले. पण, व्हायरल होत असलेल्या हिटमॅनच्या शतकावर विराट कोहली आणि केएल राहुलची प्रतिक्रिया सोशल मीडियावर आता खूप व्हायरल होत आहे.
संपूर्ण टीमने स्टँडिंग ओव्हेशन दिलं
दिल्लीतील अरुण जेटली स्टेडियमवर भारत आणि अफगाणिस्तान यांच्यात झालेल्या सामन्यात अफगाणिस्तानने टीम इंडिया विरुद्ध टॉस जिंकून बॅटिंगचा निर्णय घेतला. प्रथम फलंदाजी करणाऱ्या अफगाणिस्तानने भारतासमोर २७३ धावाचे आव्हान दिले होते. या सामन्यात टीम इंडियाने अफगाणिस्तानचा धुव्वा उडवत ८ विकेट्स राखून विजय मिळवला.
कर्णधार रोहित शर्माच्या वादळी शतकाने भारताने मोठा विजय साकारला. हिटमॅनने मैदानावर आपले शतक साजरे केले, तर ड्रेसिंग रुममध्ये उपस्थित सर्व खेळाडू आणि कोचिंग स्टाफनेही उभे राहून टाळ्या वाजवून रोहितच्या शतकाचे कौतुक केले. विराट कोहलीचे सेलिब्रेशन सोशल मीडियावर व्हायरल होत आहे. विराट कोहली नेहमीच आपल्या सहकाऱ्यांच्या कामगिरीचे कौतुक करतो यात शंका नाही. पण आता एका युजरने सोशल मिडियावर लिहिले, रोहितच्या शतकावर केएल राहुलचा रिअॅक्शन पाहा…”
(हे ही वाचा : Video: कबड्डीच्या सामन्यात तुफान राडा; लाथा-बुक्क्यांनी अन् खुर्च्या फेकून हाणामारी, घटनेचा व्हिडिओ व्हायरल )
येथे पाहा व्हिडीओ
रोहित शर्माच्या नावावर सर्वाधिक आंतरराष्ट्रीय षटकार मारण्याचा विक्रम
अफगाणिस्तानसोबत झालेल्या सामन्यात कर्णधार रोहित शर्माने १३१ धावांची खेळी केली. त्याने त्याच्या एकदिवसीय कारकिर्दीतील ३१वे आणि विश्वचषकातील सातवे शतक झळकावले. त्याने आपल्या डावात मारलेल्या षटकारांच्या संख्येमुळे, रोहितने ख्रिस गेलला मागे टाकले आणि आंतरराष्ट्रीय क्रिकेटमध्ये सर्वाधिक षटकार मारणारा फलंदाज बनला. सचिन तेंडुलकरला मागे टाकत हिटमॅन आता वर्ल्ड कपमध्ये सर्वाधिक सात शतके झळकावणारा फलंदाज बनला आहे.
