रस्ते अपघातात दरवर्षी लाखो लोक आपला जीव गमावतात, तरीही काही लोक जाणीवपूर्वक आपला जीव धोक्यात घालतात. असाच काहीसा एक बाईक चालवताना दिसत आहे ज्याचा व्हिडिओ व्हायरल होत आहे. सोशल मीडियाच्या जगात तरुणाई लोकांपर्यंत पोहोचण्यासाठी विविध मार्ग शोधत असतात. यात रिल्स आणि सोशल मीडियाच्या नादात अनेकांचा बळी देखील गेल्याच्या अनेक घटना समोर आल्या आहेत. मात्र तरुणाईवर याचा काहीही फरक पडताना दिसत नाही.
काही मंडळींना स्टंटबाजी करण्याची फारच हौस असते. ही मंडळी संधी मिळताच चित्रविचित्र स्टंट मारून लोकांचं लक्ष वेधून घेण्याचा प्रयत्न करतात. पण ही स्टंटबाजी काही वेळेस अंगाशी सुद्धा येते. असाच एक व्हिडीओ सध्या व्हायरल होत आहे.
या व्हिडीओमध्ये तुम्ही पाहू शकता, एक तरुण बाईक हवेत वर उचलून स्टंटबाजी करताना दिसत आहे. एक व्यक्ती मोकळ्या रस्त्यावर भरधाव वेगाने दुचाकी चालवताना दिसत आहे. अचानक तो बाईकच्या वर उभा राहायला लागतो ज्यामुळे बाईक वर हवेत उचलते. यादरम्यान, तो त्याच्या बाईकचे पुढचे चाक हवेत उचलतो आणि नंतर दोन्ही हातांनी हँडल धरून त्यावर उभा राहतो. तो काही क्षण त्याच अवस्थेत राहतो आणि दरम्यान तोल सुटतो आणि त्यामुळे दुचाकीचा अपघात होतो आणि तरुण हवेत फेकला जातो.
पाहा व्हिडीओ
https://www.instagram.com/reel/Ct_Vcw1geaq/?utm_source=ig_web_copy_link
हेही वाचा – Video: Stunt करताना तरुणाने मारली घराच्या गच्चीवरुन उडी; तारेच्या कंपाउंडवर पडून तरुणाचा दुर्दैवी शेवट
अलीकडेच @mohsen.250cc इंस्टाग्राम अकाउंटवर एक व्हिडिओ पोस्ट करण्यात आला आहे. अशा घटना यापूर्वी अनेकदा घडल्या आहेत. पण तरी देखील हे स्टंटबाज मात्र काहीच बोध घेत नाहीत.
