Ipl Viral News : सध्या देशात आयपीएलची रणधुमाळी सुरू आहे. अनेक जण मोबाईलमध्ये आयपीएलचे लाइव्ह सामने बघताना दिसत आहेत. काही आयपीएलचे चाहते त्यांच्या आवडत्या संघाला प्रोत्साहन देण्यासाठी क्रिकेटचे सामने स्टेडियमवर प्रत्यक्ष बघायला जात आहेत. आयपीएलच्या प्रत्येक सामन्यानंतर दर दिवशी अनेक मजेशीर आणि थक्क करणारे व्हिडीओ सध्या सोशल मीडियावर व्हायरल होत आहे.
सध्या असाच एक व्हिडीओ व्हायरल होत आहे. या व्हिडीओमध्ये तरुणी आयपीएलची मॅच बघायला स्टेडियममध्ये आली पण मॅच न बघता ती तिच्या मोबाईलमध्ये जगभरात प्रसिद्ध असणारी अमेरिकन सीरिज फ्रेंड्स बघताना दिसत आहे. सध्या या तरुणीचा फोटो सोशल मीडियावर चांगलाच व्हायरल होत आहे. हा फोटो २ एप्रिलचा आहे. सर्व आयपीएलचे चाहते मैदानावर रंगलेला रोमांचक क्रिकेटचा सामना बघताना दिसतात तर ही तरुणी मात्र फ्रेंड्स सीरीजचा आनंद घेताना दिसतेय.
हा व्हायरल फोटो बंगळुरुच्या एम चिन्नास्वामी स्टेडियमवरील आहे. या दिवशी स्टेडियममध्ये रॉयल चॅलेंजर्स बंगळुरु विरुद्ध लखनऊ सुपरजायंट्स सामना होता. फोटोमध्ये तुम्हाला दिसेल की ही तरुणी समोर मैदानावरील सामना न बघता हातात फोन घेऊन फ्रेंड्स सीरिज बघत आहे. सध्या हा फोटो एक्सवर चांगलाच व्हायरल होत आहे.
Deepak Kumaar या एक्स अकाउंटवरून हा फोटो शेअर करण्यात आला असून या फोटोच्या कॅप्शनमध्ये लिहिलेय, “मला विश्वास बसत नाही की ही मुलगी आयपीएलदरम्यान फ्रेंड्स सीरिज बघतेय”
हेही वाचा : चाहत्याची इच्छा पूर्ण करण्यासाठी धोनीने केले असे काही… एकदा व्हायरल व्हिडीओ पाहाच
या फोटोला भरपूर व्ह्यूज आले असून अनेक युजर्सनी या फोटोवर प्रतिक्रिया दिल्या आहेत. एका युजरने लिहिलेय, “कदाचित ती आरसीबीची चाहती असावी म्हणून सामना बघण्यापेक्षा ती फ्रेंड्स सीरिज बघत आहे.” तर एका युजरने लिहिलेय, “काही लोक कॅमेरामध्ये कैद होण्यासाठी असं करतात आणि मग व्हायरल होतात.” आणखी एका युजरने लिहिलेय, “सामना बोरींग असेल” त्यावर एक युजर लिहितो, “विराट कोहली आउट झाल्यानंतर सामना पाहायला कोणाला आवडेल”
