Viral Photo: सध्या लग्नसराईचे दिवस सुरू असून, सोशल मीडियावर लग्नातील अनेक मजेशीर किस्से, फोटो व व्हिडीओ व्हायरल होत असतात. अनेकदा त्यात लग्नातील अनेक गमतीजमती, अनोख्या प्रथा पाहायला मिळतात. सध्या असाच एक हटके फोटो मोठ्या प्रमाणात व्हायरल होत आहे; ज्यात एक नवरदेव चक्क आपल्या मित्रांसोबत असं काहीतरी करतोय; ज्याचा कोणी कधीही विचारही केला नसेल.
सोशल मीडियावर लग्नातील अनेक हटके व्हिडीओ आणि फोटो व्हायरल होताना आपण पाहतो. नुकताच काही दिवसांपूर्वी एका लग्नातील व्हिडीओ व्हायरल झाला होता; ज्यात वधू-वराने तो व ती खाली बसल्यावर गळ्यात हार घातला होता. एकमेकांना लग्नात वरमाला घालण्याची ही नवीन हटके पद्धत खूप व्हायरल झाली होती. दरम्यान, आतादेखील असाच एक हटके फोटो समोर आला आहे; ज्यात नवरदेव चक्क ल्युडो खेळताना दिसत आहे.
हा व्हायरल फोटो इन्स्टाग्रामवरील @ahmiyat.__ या अकाउंटवरून शेअर करण्यात आला आहे. त्यामध्ये तुम्ही पाहू शकता की, भरमंडपात विधी सुरू असताना नवरदेव त्याच्यामागे बसलेल्या मित्रांसोबत ल्युडो खेळण्यात मग्न आहे. नवऱ्याच्या पुढे बसलेले गुरुजी लग्नातील मंत्र पठण करताना दिसत आहेत; पण या पठ्ठ्याचे लक्ष मित्रांसोबत ल्युडो खेळण्यावर आहे. हा फोटो सोशल मीडियावर खूप व्हायरल होत असून, युजर्स त्यावर अनेक कमेंट्स करताना दिसत आहेत.
या फोटोला आतापर्यंत ७९ हजारांहून अधिक लोकांनी लाइक केले आहे. त्याशिवाय अनेक जण या फोटोवर कमेंट्स करीत आहेत. एका युजरने लिहिलेय, “नवऱ्याला लग्नाच्या दिवशी जिंकायचे आहे.” दुसऱ्याने लिहिलेय, “लग्नानंतर त्याची बायको याच्या आयुष्यासोबत असंच खेळणार.” तिसऱ्या व्यक्तीने लिहिलेय, “आमच्या इकडे असंच असतं.” आणखी एकाने लिहिलेय, “मीपण असंच करणार माझ्या लग्नात”
पाहा फोटो:
दरम्यान, याआधीदेखील अशाच प्रकारचा एक फोटो सोशल मीडियावर व्हायरल झाला होता; ज्यात नवरा भरमंडपात कॉलवर मित्रांशी गप्पा मारताना दिसत होता. त्यावेळी नवऱ्याकडे संपूर्ण लग्नातील लोक आश्चर्याने पाहत होते.
