Viral Photo Show Groom Was Spotted Playing Ludo : लग्न हा प्रत्येकाच्या आयुष्यातील खास आणि अविस्मरणीय क्षण असतो, त्यामुळे हा दिवस कसा खास होईल याकडे प्रत्येकाचे लक्ष असते. खूप वर्षांपासून एकत्र रिलेशनशिपमध्ये राहिल्यानंतर आपल्या जोडीदाराबरोबर लग्न होणं हा एक वेगळा अनुभव असतो, त्यामुळे लग्नसमारंभात नवरा व नवरीच्या डोळ्यात आनंदाश्रू तरंगताना दिसतात. पण, सगळेच सारखे नसतात हे स्पष्ट करणारा एक फोटो सोशल मीडियावर प्रचंड व्हायरल होत आहे. यामध्ये नवरदेवाला लग्न विधीपेक्षा काहीतरी वेगळंच महत्त्वाचे आहे.
व्हायरल फोटो लग्नमंडपातील आहे. मंडपात लग्नाच्या विधी सुरू झालेल्या असतात. पुजारी लग्नाच्या विधी पार पाडत असतात आणि फोटोग्राफर लग्नादरम्यानचे खास फोटो काढण्यासाठी तयार असतो. पण, या सगळ्यात एका अज्ञात व्यक्तीला अजब दृश्य पाहावयास मिळालं आहे. नवरदेवाचे दोन मित्र त्याच्या मागच्या बाजूला बसलेले असतात. वेळ जात नव्हता म्हणून की काय, ते मोबाइलवर एक गेम (खेळ) खेळू लागतात. नवरदेव आणि त्याचे मित्र मिळून कोणता खेळ खेळतात व्हायरल पोस्टमधून (Viral Photo) तुम्हीसुद्धा बघा…
पोस्ट नक्की बघा…
स्मार्टफोनवर लुडो खेळण्यात मग्न
मोबाइलमध्ये असलेला लुडो गेम प्रचंड लोकप्रिय आहे. सुट्ट्यांच्यादरम्यान आपण तासनतास त्यावर वेळ घालवत असतो. पण, व्हायरल पोस्टमध्ये (Viral Photo) तुम्ही पाहिलं असेल की, चक्क नवरदेव लग्नाच्या दिवशी हा खेळ खेळताना दिसत आहेत. दोन मित्र आणि नवरदेव स्मार्ट फोनवर लुडो खेळण्यात मग्न आहेत. हे पाहून नेटकऱ्यांनी पोस्टवर कमेंटचा वर्षाव केला आहे.
सोशल मीडियावर ही पोस्ट @Muskan_nnn या एक्स (ट्विटर) अकाउंटवरून शेअर करण्यात आली आहे. पोस्ट शेअर करताच ४,००,००० पेक्षा जास्त व्ह्यूज मिळाले आहेत. पोस्ट पाहून नेटकरी मजेशीर कमेंट करताना दिसत आहेत. एक युजर म्हणतोय की, ‘”कुछ भी हो जाए लुडो रुकना नही चाहिए (काहीही झाले तरी लुडो खेळणं थांबलं नाही पाहिजे )”, दुसरा युजर म्हणतोय की, “देख भाई, तू यहाँ भी हार गया और वहा भी’ (हे बघ भाऊ, तू इकडे हरलास आणि तिकडेपण) आदी अनेक कमेंट नेटकऱ्यांनी केल्या आहेत.
