“अनेकदा स्त्री चुकीची असते..” महिला IAS अधिकारी सुमित्रा मिश्रांनी पोस्ट केलेला ‘हा’ फोटो तुम्ही अनुभवलाय का?

भारतीय प्रशासकीय अधिकारी (IAS) डॉ. सुमित्रा मिश्रा यांनी आपल्या ट्विटर अकाउंटला एक फोटो शेअर केला आहे ज्यावरून पुन्हा एकदा स्त्री- पुरुष समानतेचा विषय चर्चेत आला आहे. आपण पाहू शकता की मेट्रोमधील या फोटोत एक स्त्री दोन माणसांची जागा अडवून बसली आहे आपण तिच्या बाजूलाच एक तरुण उभा आहे. खरंतर ही स्त्री त्याला जागा देऊ शकली असती किंवा तिने नंतर दिली असेलही पण या फोटोमधील वास्तव हे तितकंच खरं आहे.

सुमित्रा मिश्रा यांनी हा फोटो शेअर करताना ” अनेकदा स्त्री सुद्धा चुकीची असते” असे कॅप्शन दिले आहे.

दरम्यान या फोटोवर १० हजाराहून अधिक लाईक्स आहेत. अनेकांनी यावर कमेंट करून जर आता या जागी एखादा पुरुष असता तर फेक फेमिनिस्ट पुढे येऊन हल्लाबोल करू लागल्या असत्या असे म्हंटले आहे. तुम्हाला असा अनुभव आहे का? आणि अशा परिस्थितीत नेमकी चूक कोणाची असं तुम्हाला वाटत आम्हाला नक्की कळवा.