Viral Video: समाजमाध्यमांच्या दिवसेंदिवस वाढत चाललेल्या वापरामुळे लोकांच्या मानसिकतेवर वाईट परिणाम होताना दिसत आहे. नवनवीन ट्रेंड्सवर अनेकांचे अचूक लक्ष असते. या ट्रेंडनुसार लोक गाणी, रील्स, व्हिडीओ बनवताना दिसतात. अनेकदा आपल्याला भरपूर प्रसिद्धी मिळावी यासाठी ते कोणत्याही थराला जातात. ज्यात कोणी स्वतःचा जीव धोक्यात घालत असतो, तर कोणी कसलीही पर्वा न करता अश्लील चाळे करताना दिसतात. अशा प्रकारचे अनेक व्हिडीओ आपण पाहिलेच असतील.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

अपघाताचेही अनेक व्हिडीओ सोशल मीडियावर व्हायरल होत असतात, जे समोर येताच काही क्षणांत लाखो व्ह्युज आणि लाइक्स मिळवतात. बऱ्याचदा अपघात हे स्टंट करण्यामुळे होतात. त्यावर नेटकरी तीव्र संतापदेखील व्यक्त करताना दिसतात. अशा विविध प्रकारच्या स्टंटमुळे अनेकांनी आजपर्यंत आपला जीव गमावला आहे. दरम्यान, नुकताच असाच एक थरकाप उडवणारा व्हिडीओ व्हायरल होत आहे. या व्हिडीओमध्ये एक तरुण एका उंचवट्यावरून भयानक स्टंट करताना दिसतोय.

आणखी वाचा

या व्हायरल व्हिडीओमध्ये तुम्ही पाहू शकता, एक तरुण सुरुवातीला किल्ल्याच्या तटबंदीवरील खालच्या कट्ट्यावर उडी मारतो. त्यानंतर तो तटबंदीवर पळत पुढे जाऊन उलटी कोलांटी उडी मारतो आणि किल्ल्याच्या तटबंदीच्या काठावर स्वतःला सावरून उभा राहतो. त्याचा हा जीवघेणा स्टंट पाहून तुमच्याही काळजाचा ठोका चुकेल. यावेळी चुकून त्याचा तोल गेला असता तर कदाचित तो खालच्या दरीत पडला असता.

हेही वाचा

पाहा व्हिडीओ

हा व्हिडीओ इन्स्टाग्रामवरील @iabhi.choudhary या अकाउंटवर शेअर करण्यात आला असून यावर आतापर्यंत ८६ मिलियनहून अधिक व्ह्युज मिळाल्या असून यावर चार लाखांहून अधिक लाइक्स मिळाल्या आहेत. तसेच अनेक युजर्स यावर कमेंट्स करताना दिसत आहेत.

युजर्सच्या कमेंट्स चर्चेत

एका युजरने या व्हिडीओवर लिहिलेय, “प्लीज, एवढी रिस्क घेऊ नको भावा”, तर दुसऱ्या युजरने लिहिलंय की, “कशाला असा मूर्खपणा करायचा”, तिसऱ्या युजरने लिहिलेय, “असं करण्याआधी आई-बापाचा चेहरा आठवत जा”, तर आणखी एकाने लिहिलंय की, “खूप खतरनाक स्टंट”, तर आणखी एकाने लिहिलंय की, “आईने तुला जन्म देऊन चूक केली…”