Viral Video: आजकालची लहान मुलं सोशल मीडियावरील बदलत्या ट्रेंडनुसार वागताना, बोलताना दिसतात. या लहान मुलांचे अनेक व्हिडीओ सतत सोशल मीडियावर व्हायरल झालेले आपण पाहतो. यातील काही व्हिडीओंमधून त्यांना अनेक गोष्टी शिकायला मिळतात तर काही व्हिडीओंमुळे त्यांचे मनोरंजन होते. अशा काही कारणांमुळेच लहान मुलांमध्ये सोशल मीडियाप्रती खूप उत्सुकता आणि आकर्षण निर्माण झाले आहे. सध्या असाच एक सुंदर डान्स व्हिडीओ खूप चर्चेत आला आहे, ज्यात एक चिमुकली मराठी गाण्यावर जबरदस्त डान्स करताना दिसत आहे.
वय कोणतंही असो; नृत्य, संगीत, अभिनय यांसारख्या विविध कला क्षेत्रांत आपलं नाव मोठं करण्यासाठी खूप मेहनत घ्यावी लागते. सोशल मीडियावर लाखो युजर्स अशा विविध कला सादर करत असतात, ज्यातील काही मोजकेच लोक लोकप्रिय होतात. ह्या कला सादर करणाऱ्यांमध्ये अगदी लहानांपासून वृद्धांपर्यंत प्रत्येक वयोगटातील लोकांचा समावेश असतो. सध्या सोशल मीडियावर जबरदस्त डान्समुळे सतत चर्चेत असलेल्या चिमुकलीचा एक नवा व्हिडीओ व्हायरल होत आहे, ज्यामध्ये ती खूप भन्नाट डान्स करताना दिसतेय.
या व्हायरल व्हिडीओमध्ये तुम्ही पाहू शकता, एक परदेशात राहणारी भारतीय चिमुकली “मला नऊवारी साडी पाहिजे” या गाण्यावर खूप सुंदर डान्स करताना दिसतेय. यावेळी चिमुकलीच्या चेहऱ्यावरील सुंदर एक्स्प्रेशन्स आणि डान्स स्टेप्स पाहून नेटकरीही तिचं खूप कौतुक करताना दिसत आहेत.
पाहा व्हिडीओ:
हा व्हिडीओ इन्स्टाग्रामवरील @kathashinde या अकाउंटवर शेअर केला असून, यावर आतापर्यंत चार लाखांहून अधिक व्ह्यूज मिळाल्या आहेत, तर हजारो लाइक्स मिळाल्या आहेत. यावर अनेक युजर्स कमेंट्स करत आहेत. यावर एका युजरने कमेंटमध्ये लिहिलंय की, ‘किती क्यूट आहे ही, खूप सुंदर डान्स’, तर दुसऱ्या युजरने लिहिलंय की, ‘खूप सुंदर डान्स’, तर आणखी एकाने लिहिलंय की, ‘एक नंबर डान्स’, तर आणखी एकाने लिहिलंय की, ‘मुली, खूप छान डान्स.’
