Viral Video: या जगातील प्रत्येक सजीव जगण्यासाठी कोणत्या ना कोणत्या तरी गोष्टीवर अवलंबून असतो. मनुष्य आपली दोन वेळची भूक भागवण्यासाठी ज्याप्रमाणे दिवसरात्र कष्ट करतात, त्याचप्रमाणे पशु, पक्षीही आपली भूक मिटवण्यासाठी कष्ट करत असतात. सोशल मीडियावर प्राण्यांचे अनेक व्हायरल झालेले व्हिडीओ आपण पाहतो; ज्यातील काही हिंस्र प्राणी जंगलातील काही प्राण्यांची शिकार करताना दिसतात. असे थरारक व्हिडीओ नेहमीच आपला थरकाप उडवतात. सध्या असाच एक व्हिडीओ व्हायरल होतोय, ज्यात एक बिबट्या हरणावर हल्ला करताना दिसत आहे.
जंगलातील प्राण्यांच्या शिकारीचे व्हिडीओ अनेकांचे लक्ष वेधून घेतात. हे व्हिडीओ जरी अनेक जण मनोरंजन म्हणून पाहत असले तरी या व्हिडीओमागे एका प्राण्याचा भूक भागवण्याचा संघर्ष आणि दुसऱ्या प्राण्याच्या जीवाची बाजी लागलेली असते. आता व्हायरल होत असलेल्या व्हिडीओमध्ये असंच काहीतरी पाहायला मिळत आहे.
हा व्हायरल व्हिडीओ एका जंगलातील असून यामध्ये एक बिबट्या शिकारीच्या शोधात असताना त्याच्या नजरेस एक हरीण दिसते. हरणाला पाहताच बिबट्या वाऱ्याच्या वेगाने धावतो. यावेळी आपला जीव वाचवण्यासाठी हरीण जीवाच्या आकांताने धावते. पण, अखेर बिबट्या हरणाला पकडून त्याच्यावर हल्ला करतो आणि आपली भूक भागवतो. सध्या हा व्हिडीओ खूप व्हायरल होत आहे.
पाहा व्हिडीओ:
हा व्हिडीओ यूट्यूबवरील @Rendi_goodboys या अकाउंटवर शेअर करण्यात आला असून, या व्हिडीओवर आतापर्यंत लाखो व्ह्यूज मिळाल्या असून यावर चौदा हजारांहून अधिक लाइक्स मिळाल्या आहेत. तसेच या व्हिडीओवर अनेक युजर्स कमेंट्स करतानादेखील दिसत आहेत.
एका युजरने कमेंटमध्ये लिहिलंय की, “चित्ता सर्वात वेगाने धावणारा प्राणी आहे.” तर दुसऱ्या युजरने लिहिलंय की, “कॅमेरामन चित्त्यापेक्षा फास्ट आहे.” तर तिसऱ्या युजरने लिहिलंय की, “खतरनाक व्हिडीओ”, तर चौथ्या युजरने लिहिलंय की, “जगण्यासाठी संघर्ष.”
