Amchya Papani Butani Hanala Viral Video: सोशल मीडियावर कधी काय व्हायरल होईल याचा नेम नाही. सध्याच्या युगात सोशल मीडियावर टाकलेला व्हिडिओ, फोटो काही सेकंदात जगाच्या कानाकोपऱ्यात पोहचतो. एखादा व्हिडिओ व्हायरल झाला तर रातोरात संबंधित कलाकार सेलिब्रिटी बनतो. गणपती उत्सव सुरू होण्याच्या अगोदर ‘आमच्या पप्पांनी गणपती आणला’ हे गाणं सोशल मीडियावर चांगलंच व्हायरल झालं. बीड जिल्ह्यातील परळीच्या साईराज केंद्रे याने या गाण्यावर एक रील केला होता. त्यानंतर हे गाणं आणि त्याचं रील तुफान व्हायरल झालं. ज्याच्या त्याच्या मोबाईलवर सध्या हेच गाणं आता वाजतंय. नेटकऱ्यांकडून या गाण्याला चांगलीच पसंती मिळत आहे. तर आता या गाण्यानंतर ‘आमच्या पप्पांनी बुटांनी हाणला’ हे गाणं सोशल मीडियावर तुफान व्हायरल होत आहे.
सध्या सोशल मीडियावर रिल्स बनवून प्रसिद्ध होणाऱ्यांची संख्या फार आहे. आमच्या पप्पांनी गणपती आणला या गाण्यावर चिमुकल्याचा व्हिडीओ सध्या चर्चेत आहे. या व्हिडीओमुळे तो रातोरात स्टार झाला. यातच आता गणेशोत्सव सुरु असताना सोलापुरात राहणाऱ्या आकाश चव्हाण नावाच्या तरुणाने गायलेले ‘आमच्या पप्पांनी बुटांनी हाणला’ हे गाणे सध्या सोशल मीडियावर व्हायरल होत आहे. त्याने हा व्हिडिओ @RATHOD FILMS PRODUCTION या YouTube अकाउंटवर पोस्ट केला आहे.
(हे ही वाचा : “आमच्या पप्पांनी गणपती आणला…” बाळाच्या फोटोशुटसाठी पप्पांची धडपड, VIDEO होतोय तुफान व्हायरल )
येथे पाहा व्हिडिओ
साईराजच्या ‘आमच्या पप्पांनी गणपती आणला’ हे गाणं चांगलंच व्हायरल होत आहे. इंस्टाग्राम फेसबुक यूट्यूब तसेच व्हाट्सअॅपवर या रील ने प्रचंड धुमाकूळ घातला आहे. ‘टुकू मुकु बघतोय चांगला’ या ओळीवर त्याने दिलेले गोड एक्स्प्रेशन पाहून लाखो जण हा रील पुन्हा पुन्हा बघत आहेत. यातच आता ‘आमच्या पप्पांनी बुटांनी हाणला’ सोशल मीडियावर व्हायरल होत आहे. हे गाणं ऐकून तुम्ही पण पोट धरून हसाल.
