Viral Video: जसा काळ बदलतो तशी माणसे, त्यांचे स्वभाव, गुण, आवडी-निवडीदेखील बदलतात. या सगळ्याचे जिवंत उदाहरण सतत आपल्या डोळ्यांसमोर दिसत असते. सध्याची पिढी मोठ्या प्रमाणात सोशल मीडियाच्या आहारी गेलेली आहे. सोशल मीडियावरील व्हायरल आणि ट्रेंडिंग असलेल्या गोष्टींप्रमाणे आपणही वागावं, तसंच काहीतरी करून पाहावं असा हल्लीच्या अनेक मुला-मुलींचा हट्ट असतो. सोशल मीडियावर व्हायरल होणाऱ्या व्हिडीओंमध्ये स्टंट करताना झालेल्या अपघातांचे व्हिडीओ अनेक जण आवर्जून पाहतात आणि असे स्टंट स्वतः करण्याचं धाडस दाखवतात. बऱ्याचदा हे स्टंट व्यवस्थित केले जातात, तर अनेकदा अशा स्टंटमुळे जीवदेखील जातो. आता असाच एक व्हिडीओ सोशल मीडियावर खूप व्हायरल होतोय.
सोशल मीडियावर नेहमीच काही ना काही व्हायरल होतच असतं. अनेकदा त्यावर अपघाताचेही अनेक व्हिडीओ व्हायरल होताना आपण पाहतो. जे समोर येताच काही क्षणांत लाखो व्ह्युज आणि लाइक्स मिळवतात. नुकताच असाच एक काळजाचा ठोका चुकवणारा व्हिडीओ व्हायरल होत आहे, ज्यामध्ये एक मुलगा आणि मुलगी सायकलवरून स्टंट करताना दिसत आहेत.
या व्हायरल व्हिडीओमध्ये तुम्ही पाहू शकता की, एका रस्त्यावरून एक मुलगी सायकलवरून जात असून यावेळी त्याच रस्त्यावर एक मुलगा स्केटिंग करताना दिसत आहे. मुलीला जाताना पाहून मुलगा तिच्या सायकलच्या मागच्या सीटवर बसतो. पुढे गेल्यावर ती मुलगी मागे वळून पाहते, त्याचवेळी तिचा तोल जातो आणि तिची सायकल रस्त्याच्या बाजूला असलेल्या तलावाच्या बाजूला पडते. यावेळी मुलगा-मुलगीदेखील खाली पडतात. ही संपूर्ण घटना एका रीलसाठी शूट केली जात असून लोक रीलसाठी स्वतःच्या जीवाला किती धोक्यात घालत आहेत हे लक्षात येतं.
पाहा व्हिडीओ:
हा व्हिडीओ यूट्यूबवरील @crazy_skater411_ या अकाउंटवर शेअर करण्यात आला आहे. त्यावर आतापर्यंत जवळपास ५७ मिलियनहून अधिक व्ह्युज आणि दोन मिलियन लाइक्स मिळाल्या आहेत. त्याशिवाय यावर अनेक नेटकरीदेखील कमेंट्स करताना दिसत आहेत. एकाने यावर लिहिलंय की, “हीच खरी पप्पांची परी”, तर दुसऱ्याने लिहिलंय की, “लोक काहीही करू लागले आहेत रीलसाठी”, तर तिसऱ्याने लिहिलंय की, “हा निव्वळ वेडेपणा आहे.”
