Viral Video: एका व्यक्तीने फोडलं ATM मशिन आणि पैशांव्यतिरिक्त काढलं…!

सोशल मीडियावर व्हायरल होत असलेल्या या व्हिडिओमध्ये तुम्हाला एक व्यक्ती एटीएम बूथमध्ये असल्याचे दिसत आहे. कार्ड अडकल्याने थोडा अस्वस्थ दिसतो. एटीएम बुथमध्ये बसवण्यात आलेल्या सीसीटीव्ही कॅमेऱ्यात हा संपूर्ण प्रकार चित्रित झाला आहे. कार्ड मिळवण्यासाठी माणूस वारंवार मशीन स्क्रीनचा भाग काढण्याचा प्रयत्न करतो. शेवटी ते काढण्यात त्याला यश मिळते. यानंतर तो आजूबाजूला पाहतो आणि मशीनच्या आत डोकावून त्यात हात घालतो. आतून रोख नाही तर डेबिट कार्ड बाहेर काढतो आणि खिशात ठेवतो. यानंतर, तो वर लावलेल्या सीसीटीव्ही कॅमेराकडे पाहतो आणि विचित्र प्रतिक्रिया देतो. हे पाहून सर्वांनाच आश्चर्य वाटते. सोशल मीडियावर लोक त्याच्या प्रामाणिकपणाचे कौतुक करत आहेत.

हा व्हिडिओ सोशल मीडियावर वेगाने व्हायरल होत आहे. आतापर्यंत १ कोटी ९२ लाखांहून अधिक लोकांनी हा व्हिडिओ पाहिला असून मजेशीर कमेंट्स करत आहेत. तर काही जण त्याच्या प्रामाणिकपणाचं कौतुक करत आहेत.